തിരുവനന്തപുരം : വിദ്യാഭ്യാസ വകുപ്പ് മന്ത്രി വി. ശിവന്കുട്ടി തറ ഗുണ്ടയെന്ന് കെപിസിസി പ്രസിഡന്റ് കെ. സുധാകരന്റെ അധിക്ഷേപം. നിയമസഭാ അഴിഞ്ഞാട്ട കേസില് സിപിഎമ്മും മുഖ്യമന്ത്രി പിണറായി വിജയനും മന്ത്രിയെ സംരക്ഷിക്കുകയാണെന്നും അദ്ദേഹം ആരോപിച്ചു. ശിവന്കുട്ടി രാജിവെച്ചൊഴിയണമെന്നാവശ്യപ്പെട്ട് നേമത്ത് യുഡിഎഫ് നടത്തിയ ധര്ണ്ണയുടെ ഉദ്ഘാടനം നിര്വഹിക്കവേയാണ് ഇക്കാര്യം അറിയിച്ചത്.
നിയമസഭാ അഴിഞ്ഞാട്ടക്കേസില് നീതിപൂര്ണ്ണമായ വിചാരണ നടത്തുന്നതിനായി വി. ശിവന്കുട്ടി മന്ത്രിസ്ഥാനം രാജിവെച്ചൊഴിയണം. ഇല്ലെങ്കില് കുറ്റമറ്റ രീതിയില് വിചാരണ നടത്താന് സാധിക്കില്ലെന്ന് പ്രതിപക്ഷ നേതാവ് വിഡി. സതീശനും ആരോപിച്ചു.
ശിവന്കുട്ടിക്കെതിരായ പ്രതിഷേധത്തിന്റെ രണ്ടാം ഘട്ടമെന്ന നിലയില് യുഡിഎഫ് സംസ്ഥാന വ്യാപകമായി ഇന്ന് പ്രതിഷേധ ധര്ണ്ണ സംഘടിപ്പിച്ചിരുന്നു. മുന് മുഖ്യമന്ത്രി ഉമ്മന്ചാണ്ടി കഴക്കൂട്ടത്തും മുന് പ്രതിപക്ഷ നേതാവ് രമേശ് ചെന്നിത്തല വട്ടിയൂര്ക്കാവിലെ ധര്ണ്ണയിലും പങ്കെടുത്തു. കെഎസ്യു കണയന്നൂര് താലൂക്ക് ഓഫീസിലേക്ക് മാര്ച്ച് നടത്തിയും പ്രതിഷേധിച്ചു.
