കൊച്ചി: ട്വന്റി- ട്വന്റി ഭരിക്കുന്ന പഞ്ചായത്തുകള്‍ക്ക് സംരക്ഷണം വേണമെങ്കില്‍ പഞ്ചായത്ത് പ്രസിഡന്റുമാര്‍ക്ക് പോലീസില്‍ പരാതി നല്‍കാം. പഞ്ചായത്തുകള്‍ക്ക് സംരക്ഷണം നല്‍കണമെന്നാവശ്യപ്പെട്ട ഹര്‍ജി കോടതി നിരസിച്ചു.
ഗ്രാമസഭാ യോഗങ്ങള്‍ ചേരാന്‍ സംരക്ഷണം വേണമെന്നാവശ്യപ്പെട്ടാണ് ഹൈക്കോടതിയില്‍ ഹര്‍ജി നല്‍കിയത്. മഴുവന്നൂര്‍, കുന്നത്തുനാട് ഐക്കരനാട് പഞ്ചായത്തുകളിലെ പഞ്ചായത്ത് പ്രസിഡന്റുമാരാണ് ഇതിനായി കോടതിയെ സമീപിച്ചത്.
എന്നാല്‍ പഞ്ചായത്തുകള്‍ക്ക് സംരക്ഷത്തിനായി പ്രസിഡന്റുമാര്‍ പോലീസില്‍ പരാതി നല്‍കിയാല്‍ അവര്‍ തുടര്‍ നടപടി സ്വീകരിക്കും. പ്രതിപക്ഷ പാര്‍ട്ടികള്‍ക്കും പ്രവര്‍ത്തകര്‍ക്കും നിയമപരമായി പ്രതിഷേധിക്കാന്‍ അധികാരമുണ്ടെന്നും കേസ് പരിഗണിച്ച ജസ്റ്റിസ് പി.വി. കുഞ്ഞിക്കണ്ണന്‍ ഉത്തരവില്‍ അറിയിച്ചു.
പ്രതികരിക്കാൻ ഇവിടെ എഴുതുക: