മൂലമറ്റം: തൊടുപുഴ- പുളിയന്‍മല സംസ്ഥാന പാതയില്‍ അറക്കുളം മൈലാടിയില്‍ റോഡ് വിണ്ടുകീറി. റോഡിന് താഴെ ഭാഗത്ത് മണ്ണിടിയുന്നതിനാല്‍ ഏത് സമയവും റോഡ് ഇടിഞ്ഞുതാഴാന്‍ സാധ്യതയുണ്ട്.
വര്‍ഷങ്ങളായി ഇവിടെ 25 മീറ്റര്‍ നീളത്തില്‍ റോഡ് വിണ്ട് കീറിയ നിലയിലായിരുന്നു. ഈ ഭാഗമാണ് കൂടുതല്‍ വിണ്ടുകീറിയത്.
കനത്ത മഴയില്‍ വെള്ളമിറങ്ങി സംരക്ഷണഭിത്തി തള്ളി പോവുകയും ചെയ്തു. മാസങ്ങള്‍ക്ക് മുമ്പ് റോഡിന്റെ ഓടയുടെ സമീപം ടെലഫോണ്‍ കേബിളിന് കുഴിയെടുത്തിരുന്നു. ഇത് വേണ്ട വിധം മൂടാതിരുന്നതാണ് വെള്ളം ഇറങ്ങി റോഡ് ഇടിയാന്‍ കാരണം.
എത്രയും വേഗം ഇതിന് പരിഹാരം ഉണ്ടാക്കിയില്ലെങ്കില്‍ സംസ്ഥാന പാത തകരുകയും, ഇടുക്കി ഭാഗത്തേക്കുള്ള ഗതാഗതം തടസപ്പെടുകയും ചെയ്യും. ഈ ഭാഗത്ത് റോഡിലൂടെ വെള്ളം ഒഴുകി കഴിഞ്ഞ ദിവസം കണിയാംകണ്ടത്തില്‍ ഷാന്റി ഷാജിയുടെ വീടിന് പിന്‍വശത്ത് മണ്ണിടിഞ്ഞ് വീണിരുന്നു.
പ്രതികരിക്കാൻ ഇവിടെ എഴുതുക: