കാബൂള്: അഫ്ഗാനിസ്ഥാനിലെ താലിബാനോടൊപ്പം ചേര്ന്ന പാക് താലിബാന് ഭീകരര് അഫ്ഗാനിസ്ഥാനിലുള്ള ഇന്ത്യന് നിര്മ്മിത കേന്ദ്രങ്ങള് ലക്ഷ്യമിടുന്നതായി റിപ്പോര്ട്ട്. ഇന്ത്യയെ ലക്ഷ്യമാക്കി ആക്രമണം നടത്താന് പാകിസ്ഥാനില് ചാരസംഘടനയായ ഐ എസ് ഐ പാക് താലിബാന് പ്രത്യേകം നിര്ദേശം നല്കിയതായാണ് അറിയുന്നത്.
അഫ്ഗാനിസ്ഥാനിലുള്ള ഇന്ത്യയിലെ കെട്ടിടങ്ങളും ഇന്ത്യയുടെ സ്വത്തുക്കളും തകര്ക്കാനാണ് നിര്ദേശം. താലിബാന് നിയന്ത്രണമേറ്റെടുത്ത അഫ്ഗാനിസ്ഥാനിലെ മേഖലകളിലുള്ള ഇന്ത്യന് സ്വത്തുക്കള് നശിപ്പിക്കാനാണ് നിര്ദേശിച്ചിരിക്കുന്നത്. കഴിഞ്ഞ 20 വര്ഷങ്ങളായി പാക് താലിബാന് സേനയോട് പാകിസ്ഥാന് ഈ നിര്ദേശം നല്കിവരുന്നുണ്ട്.
അഫ്ഗാന് സര്ക്കാര് സേനയുമായുള്ള ഏറ്റുമുട്ടലില് ഏകദേശം പതിനായിരത്തോളം പാക് താലിബാന് സേനാംഗങ്ങള് ഉണ്ടെന്നാണ് കണക്ക്. ഇവരില് ഭൂരിഭാഗവും വര്ഷങ്ങളായി പാകിസ്ഥാനില് കഴിയുന്നവരാണ്.
