ലക്നൗ: സംസ്ഥാനത്തെ എല്ലാവര്ക്കും സൗജന്യമായി ഇന്റര്നെറ്റ് ലഭ്യമാക്കാന് പദ്ധതി പ്രഖ്യാപിച്ച് ഉത്തര്പ്രദേശ് സര്ക്കാര്. 17 മുന്സിപ്പല് സിറ്റികളുള്പ്പെടെ 217 പ്രദേശങ്ങളിലാണ് ആദ്യ ഘട്ടത്തില് പദ്ധതി നടപ്പിലാക്കുക. ബസ്റ്റാന്റുകള്, റെയില്വേ സ്റ്റേഷന്, കോടതി, മറ്റ് പ്രധാന സര്ക്കാര് സ്ഥാപനങ്ങള് എന്നിവിടങ്ങളില് വൈഫൈ സൗകര്യം ഉറപ്പാക്കും.
ലക്നൗ, കാണ്പൂരര്, ആഗ്രാ, അലിഗഢ്, വാരണാസി, പ്രയാഗ് രാജ്, ത്സാന്സി, ബറേലി, സഹരന്പൂര്, മൊറദാബാദ്, ഗൊരഖ്പൂര്, അയോധ്യാ, മീററ്റ്, ഷാജഹാന്പൂര്, ഗാസിയാബാദ്, മഥുര, ഫിറോസാബാദ് എന്നീ നഗരങ്ങള് ഉള്പ്പെടെ 217 പ്രദേശങ്ങളാണ് പ്രഥമ ഘട്ടത്തില് പദ്ധതിക്കുകീഴില് വരുക. നഗരങ്ങള്ക്കൊപ്പം ഗ്രാമീണ മേഖലയിലും ഇന്റര്നെറ്റ് സേവനങ്ങള് ഉറപ്പാക്കാന്കൂടി ലക്ഷ്യമിട്ടാണ് പദ്ധതി.
പഞ്ചായത്ത് ഓഫീസുകള് ആധുനിക വല്ക്കാനുള്ള പദ്ധതിയ്ക്കും സര്ക്കാര് കഴിഞ്ഞദിവസം അംഗീകാരം നല്കി. പഞ്ചായത്ത് അസിസ്റ്റന്റ് കമ്പ്യൂട്ടര് ഓപ്പറേറ്റര് തസ്തികയ്ക്കും സര്ക്കാര് അംഗീകാരം നല്കി. 1.25 തൊഴിലവസരങ്ങളാണ് പുതിയ തസ്തിക സൃഷ്ടിക്കുക.
