കൊച്ചി: എറണാകുളത്ത് പോലീസ് ഉദ്യോഗസ്ഥന് ജീവനൊടുക്കി. കളമശേരി എആര് ക്യാമ്പിലെ ഗ്രേഡ് എസ്ഐ പി.കെ. അയ്യപ്പന്(52) ആണ് ജീവനൊടുക്കിയത്. പെരുമ്പാവൂര് സ്വദേശിയായ അയ്യപ്പന് സാമ്പത്തിക ബുദ്ധിമുട്ടികളെ തുടര്ന്നാണ് ആത്മഹത്യ ചെയ്തതെന്ന് പോലീസ് പറഞ്ഞു. പെരുമ്പാവൂര് പോലീസ് കാന്റീന് അസിസ്റ്റന്റ് മാനേജരായിരുന്നു.
കൂടുതല് വിവരങ്ങള് അന്വേഷണത്തിലൂടെയേ വ്യക്തമാകൂയെന്നും മൃതദേഹം കളമശേരി മെഡിക്കല് കോളേജ് മോര്ച്ചറിയിലേക്ക് മാറ്റിയതായും പോലീസ് അറിയിച്ചു. കേരള പോലീസ് ഓഫീസേഴ്സ് അസോസിയേഷന് സംസ്ഥാന കമ്മിറ്റി അംഗമാണ് അയ്യപ്പന്. കേരള പൊലീസ് ഹൗസിംഗ് സഹകരണ സംഘം ഡയറക്ടര് ബോര്ഡ് അംഗം, പോലീസ് അസോസിയേഷന് സംസ്ഥാന നിര്വാഹക സമിതി അംഗം എന്നീ നിലകളില് പ്രവര്ത്തിച്ചിട്ടുണ്ട്. പോലീസ് അസോസിയേഷന്റെ എറണാകുളം റൂറല് ജില്ലാ കമ്മിറ്റി സെക്രട്ടറിയായും പ്രസിഡന്റായും പ്രവര്ത്തിച്ചിട്ടുണ്ട്.
അയ്യപ്പനെ കഴിഞ്ഞ ദിവസം ആലപ്പുഴയ്ക്ക് സ്ഥലംമാറ്റമായിരുന്നു. തുടര്ന്ന് ക്യാമ്പിലെ ക്വാര്ട്ടേഴ്സ് ഒഴിഞ്ഞു. പിന്നീട് ക്യാമ്പിലെ ക്വാര്ട്ടേഴ്സില് വ്യാഴാഴ്ച ഉച്ചയ്ക്കെത്തി ജീവനൊടുക്കുകയായിരുന്നു.
