മേടക്കൂറ്: അശ്വതി, ഭരണി, കാര്‍ത്തിക (1/4)
ത്യാഗങ്ങള്‍ സഹിച്ചു ചെയ്യുന്ന പ്രവൃത്തികളെല്ലാം ശുഭകരമായി പര്യവസാനിക്കും. സല്‍കീര്‍ത്തി വര്‍ധിക്കും. കുടുംബത്തില്‍ സ്വസ്ഥതയും സമാധാനവുമുണ്ടാകും. പുതിയ കരാര്‍ ജോലികളില്‍ ഒപ്പുവയ്‌ക്കും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
നിലവിലുള്ള ജോലി ഉപേക്ഷിച്ച് മറ്റൊന്നിനു ശ്രമിക്കുന്നത് ഉചിതമല്ല. ഗൃഹനിര്‍മാണം ആരംഭിക്കും. തൊഴില്‍ മേഖലകളില്‍ അവിചാരിത തടസ്സം അനുഭവപ്പെടും.
മിഥുനക്കൂറ്: മകയിരം (1/2), തിരുവാതിര,പുണര്‍തം (3/4)
പ്രശസ്തി വര്‍ധിക്കുമെങ്കിലും അഹംഭാവം അരുത്. സഹോദരങ്ങള്‍ക്ക് അസുഖം വര്‍ധിക്കും. വിശ്വാസവഞ്ചനയില്‍ അകപ്പെടാതെ സൂക്ഷിക്കണം. പൂര്‍വിക സ്വത്തു രേഖാ മൂലം ലഭിക്കും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
വാഹനാപകടത്തില്‍ നിന്നും അദ്ഭുതകരമായി രക്ഷപ്പെടും. ഗൃഹനിര്‍മാണം ഏറെക്കുറെ പൂര്‍ത്തിയാകും. അസാധ്യമെന്നു തോന്നുന്നത് പലതും നിഷ്പ്രയാസം സാധിക്കും. അവസരങ്ങള്‍ പരമാവധി പ്രയോജനപ്പെടുത്തും.
ചിങ്ങക്കൂറ്: മകം, പൂരം, ഉത്രം (1/4)
പ്രതികൂല സാഹചര്യങ്ങളെ അതിജീവിക്കാനുള്ള ആര്‍ജവമുണ്ടാകും. ചെറിയ കാര്യങ്ങള്‍ക്കുപോലും കഠിന പ്രയത്‌നം വേണ്ടിവരും. തീരുമാനങ്ങളെടുക്കാന്‍ പരസഹായം തേടും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ക്ഷമിക്കാനും സഹിക്കാനുമുള്ള കഴിവ് സര്‍വാദരങ്ങള്‍ക്കും വഴിയൊരുക്കും. മക്കളുടെ വിദ്യാഭ്യാസ കാര്യങ്ങളില്‍ ആശങ്ക വര്‍ധിക്കും. മറ്റുള്ളവരുടെ വിഷമാവസ്ഥകള്‍ക്ക് ശാശ്വത പരിഹാരം നിര്‍ദ്ദേശിക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
അസൂയാലുക്കളുടെ ഉപദ്രവത്താല്‍ മനോവിഷമം തോന്നും. വിദ്യാര്‍ത്ഥികള്‍ക്ക് ഉത്സാഹവും ഉന്മേഷവും വര്‍ധിക്കും. ഉദ്യോഗത്തിന് നിയമനാനുമതി ലഭിക്കും. സുഹൃത്തിന് സാമ്പത്തിക സഹായം ചെയ്യും. ശത്രുക്കള്‍ വര്‍ധിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
അനുചിത പ്രവൃത്തികളില്‍നിന്ന് പിന്മാറാന്‍ ഉള്‍പ്രേരണയുണ്ടാകും. പകര്‍ച്ചവ്യാധി പിടിപെടാന്‍ സാധ്യതയുണ്ട്. വാഹനം മാറ്റി വാങ്ങും. ജോലി തേടിയുള്ള വിദേശയാത്ര വിഫലമാകും.
ധനുക്കൂറ്: മൂലം, പൂരാടം, ഉത്രാടം (1/4)
വ്യാപാരമേഖലയില്‍ പുതിയ ആശയമുദിക്കും. ഒട്ടേറെ കാര്യങ്ങള്‍ നിഷ്‌കര്‍ഷയോടെ ചെയ്തു തീര്‍ക്കാന്‍ ബാധിക്കും. മാതാപിതാക്കളെ ഒപ്പം താമസിപ്പിക്കാന്‍ തീരുമാനിക്കും. ചുമതലകള്‍ വര്‍ധിക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ഒട്ടേറെ കാര്യങ്ങള്‍ ഏറ്റെടുക്കുന്നതിനാല്‍ കുടുംബ കാര്യങ്ങളില്‍ ശ്രദ്ധ കുറയും. ജീവിത പങ്കാളിയുടെ സമയോചിതമായ ഇടപെടലുകളാല്‍ അബദ്ധങ്ങളില്‍നിന്നും രക്ഷപ്പെടും. വ്യവസ്ഥകള്‍ പാലിക്കും.
കുംഭക്കൂറ്: അവിട്ടം (1/2), ചതയം,
പൂരുരുട്ടാതി (3/4)
ആശയങ്ങളും ആഗ്രഹങ്ങളും യാഥാര്‍ത്ഥ്യമാകും. അറിയാത്ത വിഷയങ്ങളില്‍ അഭിപ്രായം പറയരുത്. മേലധികാരി നിര്‍ദ്ദേശിക്കുന്ന പദ്ധതി ഏറ്റെടുത്തു പൂര്‍ത്തിയാകും. പുനഃപരീക്ഷയില്‍ വിജയശതമാനം വര്‍ധിക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി,
രേവതി
കുടുംബാംഗങ്ങളുടെ ആവശ്യങ്ങള്‍ നിറവേറ്റാന്‍ അശ്രാന്തപരിശ്രമം വേണ്ടിവരും. സഹപാഠികളെ കാണാനും സ്മരണകള്‍ പങ്കുവയ്‌ക്കാനും അവസരമുണ്ടാകും. അവസരങ്ങള്‍ പരമാവധി പ്രയോജനപ്പെടുത്തും.
പ്രതികരിക്കാൻ ഇവിടെ എഴുതുക: