തിരുവനന്തപുരം: സുരേഷ് ഗോപിയുമായുള്ള 30 വര്ഷത്തെ സൗഹൃദത്തില് നിന്നും ജോസ് തോമസ് എന്ന സംവിധായകന് താരത്തിന്റെ നന്മകള് ഉയര്ത്തിക്കാട്ടിയപ്പോള് യുട്വൂബ് പോസ്റ്റ് വൈറലായി.
‘അദ്ദേഹം ഒരു രാഷ്ട്രീയപ്പാര്ട്ടിയില് ചേര്ന്നപ്പോള് എന്തുമാത്രം അധിക്ഷേപങ്ങളാണ് കേള്ക്കേണ്ടി വന്നത്. കമ്മീഷണറും ഏകലവ്യനും കണ്ട് കയ്യടിച്ചവര് ചാണകസംഘി എന്നൊക്കെയുള്ള വാക്കുകളില് സുരേഷിനെ അധിക്ഷേപിച്ചു. ഞാന് വിശ്വസിക്കുന്ന രാഷ്ട്രീയത്തിലോ, മതത്തിലോ വിശ്വസിക്കാത്തവര് ശുദധതെമ്മാടികളാണെന്നാണ് ഇത്തരക്കാരുടെ വാദം. ഇതിലൊന്നും സുരേഷിന് ഒരു വേദനയുമില്ല. അദ്ദേഹം തന്റെ പ്രവര്ത്തനങ്ങള് തുടര്ന്നുകൊണ്ടേയിരിക്കും,’ ജോസ് തോമസ് തന്റെ യുട്യൂബ് വീഡിയോ പോസ്റ്റില് പറയുന്നു.
അടുത്ത കാലത്ത് സംസാരിച്ചപ്പോള് അദ്ദേഹം പറഞ്ഞ വാക്കുണ്ട്: ‘എന്റെ എംപി ഫണ്ടെല്ലാം തീര്ന്നു. ഇനി വരുന്ന സിനിമകളില് നിന്ന് അഞ്ച് കോടി രൂപ ചാരിറ്റിക്കായി മാറ്റിവെയ്ക്കണം’. നമ്മള് ഇഷ്ടപ്പെടുന്നവരെ, സ്നേഹിക്കുന്നവരെ മനുഷ്യരായി കാണുക. അവര് ഏത് മതത്തിലോ പാര്ട്ടിയോ വിശ്വസിക്കട്ടെ. അവരെ മോശക്കാരായി ചിത്രീകരിക്കരുത്- ജോസ് തോമസ് പറഞ്ഞു.
ഷാജി കൈലാസ് സംവിധാനം ചെയ്യുന്ന ന്യൂസ് സിനിമയുടെ സെറ്റില് വെച്ചാണ് സുരേഷ് ഗോപിയെ ആദ്യമായി കാണുന്നത്. അന്ന് സുരേഷ് ഗോപിയെ അറിയില്ല. എന്നാല് ആ സെറ്റില് അദ്ദേഹം കടന്നുവരുന്നത് എന്നെ ജോസപ്പാ എന്ന് വിളിച്ചുകൊണ്ടാണ്. ആ സിനിമയോടെ ഞങ്ങള് അടുത്ത സുഹൃത്തുക്കളായി മാറി- ജോസ് തോമസ് പറയുന്നു.
ഇടയ്ക്ക് വെച്ച് സുരേഷ് ഗോപി നിര്മ്മാതാക്കളില് നിന്നും കര്ശനമായി പണം വാങ്ങുന്നയാളാണ് എന്ന പ്രചരണങ്ങളുണ്ടായി. എന്നിട്ടും ഒട്ടേറെപ്പേര് അദ്ദേഹത്തിന് പണം കൊടുക്കാനുണ്ടായിരുന്നു. കരഞ്ഞുപറയുമ്പോള് അദ്ദേഹത്തിന്റെ മനസ്സലിഞ്ഞുപോകും- ജോസ് തോമസ് പറഞ്ഞു.
കര്ശനമായി പണം വാങ്ങിപ്പോയിട്ടുണ്ടെങ്കിലും എത്രയോ നന്മ നിറഞ്ഞ ചാരിറ്റി പ്രവര്ത്തനങ്ങളാണ് സുരേഷ് ചെയ്യുന്നത്. എത്രയോ കുടുംബങ്ങളെ സാമ്പത്തികമായി സഹായിച്ചു. ഒരു പാട് പേര് എന്നോടിക്കാര്യം പറഞ്ഞിട്ടുണ്ട്. സിനിമയിലും രാഷ്ട്രീയത്തിലും സുരേഷ് ഇനിയും ഒരു പാട് ഉയരത്തിലെത്താന് അവര് പ്രാര്ത്ഥിച്ചുകൊണ്ടിരിക്കുകയാണ്. ഇതൊന്നും എവിടെയും കൊട്ടിപ്പാടി നടന്നിട്ടില്ല. അതാണ് വ്യക്തിത്വം. – ജോസ് തോമസ് വിശദീകരിക്കുന്നു.
