ചെന്നൈ : വിവാഹ മോചനം നേടി ഏഴ് വര്ഷം പിന്നീടുമ്പോള് വീണ്ടും ഒന്നുചേര്ന്ന് തീരുമാനിച്ച് നടന് രഞ്ജിത്തും നടി പ്രിയ രാമനും. തമിഴ് സിനിമാ മാധ്യമങ്ങളാണ് ഇതുമായി ബന്ധപ്പെട്ട റിപ്പോര്ട്ടുകള് പുറത്തുവിട്ടത്. സമൂഹമാധ്യമത്തില് രഞ്ജിത്ത് പങ്കുവച്ച കുറിപ്പും ചിത്രങ്ങളുമാണ് ഈ വാര്ത്തകള്ക്ക് ആധാരം.
ഇരുവരുടെയും 22-ാം വിവാഹ വാര്ഷിക ദിനത്തോടനുബന്ധിച്ച് പ്രിയയുമൊത്തുള്ള ചിത്രങ്ങള് രഞ്ജിത്ത് പങ്കുവച്ചതോടെയാണ് ഒന്നുചേരല് പരസ്യമായത്. ആരാധകരുടെ സ്നേഹാശംസകളാല് ഞങ്ങളുടെ ഇപ്പോഴത്തെ ജീവിതം വളരെ മനോഹരമായിരിക്കുന്നു എന്നും ചിത്രത്തോടൊപ്പം രഞ്ജിത്ത് അറിയിച്ചിരുന്നു.
1999ല് റിലീസ് ചെയ്ത നേസം പുതുസ് എന്ന ചിത്രത്തിന്റെ ഷൂട്ടിങ്ങിനിടെ രഞ്ജിത്തും പ്രിയയും പ്രണയത്തിലാവുകയും പിന്നീട് വിവാഹിതരാവുകയുമായിരുന്നു. എന്നാല് 2014ല് ഇരുവരും വിവാഹമോചിതരായി. ശേഷം രഞ്ജിത്ത് നടി രാഗസുധയെ വിവാഹം ചെയ്തെങ്കിലും ഒരു വര്ഷത്തിനുള്ളില് വേര്പിരിഞ്ഞു.
