കൊച്ചി: എറണാകുളം മെഡിക്കല് കോളേജിന് ഡാളസ് ടെക്സസ് ഇന്തോ അമേരിക്കന് ചേംബര് ഓഫ് കൊമേഴ്സിന്റെ നേതൃത്വത്തില് രണ്ട് ട്രാന്സ്പോര്ട്ട് വെന്റിലേറ്ററുകള് നല്കി. റോട്ടറി കൊച്ചി സെന്ട്രല് വഴി കൈമാറിയ വെന്റിലേറ്ററുകള്ക്ക് പതിനഞ്ച് ലക്ഷത്തോളം രൂപയാണ് ചെലവ്. വിദൂര ഗ്രാമങ്ങളില് നിന്ന് കൊവിഡ് രോഗികളെ മെഡിക്കല് കോളജില് എത്തിക്കാന് ഈ വെന്റിലേറ്ററുകളുടെ സഹായം ലഭ്യമാകും.
എറണാകുളം മെഡിക്കല് കോളേജിലെ മെഡിക്കല് സൂപ്രണ്ട് ഡോ. ഗീതയ്ക്ക് രണ്ട് ട്രാന്സ്പോര്ട്ട് വെന്റിലേറ്ററുകള് റോട്ടറി കൊച്ചി സെന്ട്രല് പ്രസിഡന്റ് ഡോ. ടോം ബാബു കൈമാറി.
എറണാകുളം മെഡിക്കല് കോളജിന് വെന്റിലേറ്റര് എത്തിക്കുന്നതിന് റോട്ടറി കൊച്ചി സെന്ട്രല് പ്രസിഡന്റ് ഡോ. ടോം ബാബു, കമാന്ഡര് കീര്ത്തി കുര്യന്, ഇന്തോ അമേരിക്കന് ചേംബര് ഓഫ് കൊമേഴ്സ് ഭാരവാഹികളായ നീല് ഗോനുഗുന്ത്ല, ജോര്ജ്ജ് ബ്രോഡി എന്നിവര് നേതൃത്വം നല്കി.
