തിരുവനന്തപുരം: പത്തനാപുരം കലഞ്ഞൂരിനടുത് പാടത്ത് കശുമാവിന് തോട്ടത്തിലും കോന്നിയിലും ഉപേക്ഷിക്കപ്പെട്ട നിലയില് സ്ഫോടകവസ്തുക്കള് കണ്ടെത്തിയത് ഞെട്ടിക്കുന്ന സംഭവമാണെന്നും തീവ്രവാദികള് ലക്ഷ്യമിട്ടത് പ്രധാനമന്ത്രി നരേന്ദ്ര മോദിയെ തന്നെയാകാന് സാധ്യതയുണ്ടെന്ന് ആരോപണവുമായി ബിജെപി. ബിജെപി നേതാവ് എ.എന്. രാധാകൃഷ്ണനാണ് ഇക്കാര്യം ഫേസ്ബുക്കിലൂടെ ആരോപിച്ചത്.
പോസ്റ്റിന്റെ പൂര്ണരൂപം-
പത്തനാപുരം കലഞ്ഞൂരിനടുത് പാടത്ത് കശുമാവിന് തോട്ടത്തിലും കോന്നിയിലും ഉപേക്ഷിക്കപ്പെട്ട നിലയില് സ്ഫോടകവസ്തുക്കള് കണ്ടെത്തിയത് ഞെട്ടിക്കുന്ന സംഭവം ആണ് . അതിലും ഗൗരവമായി കാണേണ്ടത് രണ്ടുമാസം മുന്പ് പ്രധാനമന്ത്രി നരേന്ദ്രമോദി തിരഞ്ഞെടുപ് റാലിയില് പങ്കെടുത്ത് സംസാരിച്ച വേദിയില് നിന്നും 20 കിലോമീറ്ററില് താഴെ മാത്രമാണ് സ്ഫോടകവസ്തുക്കള് കണ്ടെടുത്ത സ്ഥലത്തേക്ക് ഉള്ളത് , കണ്ടെടുത്ത സ്ഫോടകവസ്തുക്കള് അതികം കാലപ്പഴക്കമുള്ളതല്ല എന്ന പോലീസിന്റെ കണ്ടെത്തലും ഈ സംഭവത്തില് കൂടുതല് സംശയത്തിന് ഇടയാക്കുന്നു. ധൗത്യം പൂര്ത്തീകരിക്കാന് കഴിയാതെ പോയ തീവ്രവാദികള് ഉപേക്ഷിച്ചതാണ് സ്ഫോടകവസ്തുക്കള് എന്ന് സംശയിക്കേണ്ടിയിരിക്കുന്നു. മലയാളികളായ തീവ്രവാദികളും ഇതില് ഉള്പ്പെട്ടിരിക്കാന് ആണ് സാധ്യത അല്ലെങ്കില് പാടം പോലെ ഉള്ള ഒരു ഉള്പ്രദേശത് പ്രാദേശിക സഹായം ഇല്ലാതെ തമ്പടിക്കാന് ഭീകരവാദികള്ക് സാധിക്കില്ല.
തമിഴ്നാട് ക്യു ബ്രാഞ്ച് ആണ് ഇക്കാര്യം കണ്ടെത്തിയത് എന്ന് മാധ്യമ വാര്ത്തകളില് നിന്നും മനസിലാകുന്നു അങ്ങനെ എങ്കില് കേരളത്തിലെ സ്ഥിതി വളരെ ഗുരുതരം ആണ് കേരള പോലീസിന്റെയും ആഭ്യന്തരവകുപ്പിന്റെയും പ്രധാനമന്ത്രിയുടെ സന്ദര്ശനവുമായി ബന്ധപെട്ടുണ്ടായ വന് സുരക്ഷാവീഴ്ച തന്നെ ആണ് ഈ സംഭവം എന്ന കാര്യത്തില് സംശയം ഇല്ല.
ഇത്തരത്തില് സ്ഫോടകവസ്തുക്കള് കണ്ടെത്തിയതുമായി ബന്ധപ്പെട്ട് കേന്ദ്ര സുരക്ഷാ ഏജന്സികള് സമഗ്ര അന്വേഷണം നടത്തണം എന്നും കേരള പോലീസിന്റെ കയ്യില്നിന്നും സുരക്ഷാവീഴ്ച സംഭവിച്ചിട്ടുണ്ടെങ്കില് കുറ്റക്കാരായ ഉദ്യോഗസ്ഥരെ സര്വീസില് നിന്നും പിരിച്ചുവിടണം എന്നും ആവശ്യപ്പൈടുന്നു
