ലിസ്ബണ്‍: കോളയ്ക്ക് പകരം വെള്ളം കുടിക്കാന്‍ ആഹ്വാനം ചെയ്ത് പോര്‍ച്ചുഗല്‍ സൂപ്പര്‍ സ്‌ട്രൈക്കര്‍ ക്രിസ്റ്റിയാനോ റൊണാള്‍ഡോ. യുറോ 2020 ല്‍ പോര്‍ച്ചുഗലിന്റെ ആദ്യ മത്സരത്തിന് മുമ്പ് നടത്തിയ പത്രസമ്മേളനത്തിലാണ് റൊണോ ഈ ആഹ്വാനം നടത്തിയത്.
പോര്‍ച്ചുഗല്‍ മാനേജര്‍ ഫെര്‍നാന്‍ഡോ സാന്റോസും റൊണോയും പങ്കെടുത്ത പത്രസമ്മേളനത്തില്‍ ഇവര്‍ക്ക് കുടിക്കാനായി സംഘാടകര്‍ രണ്ട് ബോട്ടില്‍ കോള മേശപ്പുറത്ത് വച്ചിവരുന്നു. ഈ രണ്ട് ബോട്ടിലും എടുത്ത് മാറ്റി റൊണോ വെള്ളക്കുപ്പി ഉയര്‍ത്തിക്കാട്ടിയാണ് ജനങ്ങളോട് കോളയ്ക്ക് പകരം വെള്ളം കുടിക്കാന്‍ ആഹ്വാനം ചെയ്തത്. റൊണോ കോളക്കുപ്പികള്‍ എടുത്തതുമാറ്റി വെള്ളക്കുപ്പി ഉയര്‍ത്തിക്കാണിക്കുന്ന വീഡിയോ സമൂഹ മാധ്യമങ്ങളില്‍ വൈറലായി. യൂറോപ്യന്‍ ചാമ്പ്യന്‍ഷിപ്പില്‍ നിലവിലെ ചാമ്പ്യന്മാരായ പോര്‍ച്ചുഗല്‍ ഗ്രൂപ്പ് എഫി ലെ ആദ്യ മത്സരത്തില്‍ ഹങ്കറിയുമായി ഏറ്റുമുട്ടും.
