ചാത്തന്നൂര്‍: ഓരോ തെരഞ്ഞെടുപ്പ് കഴിയുമ്പോഴും ബിജെപിയുടെ വോട്ടിംഗ് ശതമാനത്തിലെ മുന്നേറ്റം ഇടതു-വലത് മുന്നണികളെ ഭയപ്പെടുത്തുന്നുവെന്ന് കല്ലുവാതുക്കല്‍ ഗ്രാമപഞ്ചായത്ത് പ്രസിഡന്റ് എസ്. സുദീപ. കല്ലുവാതുക്കല്‍ പാറ ജംഗ്ഷനില്‍ സംഘടിപ്പിച്ച സമരജ്വാല ഉദ്ഘാടനം ചെയ്യുകയായിരുന്നു അവര്‍.
കഴിഞ്ഞ നിയമസഭാ തെരഞ്ഞെടുപ്പില്‍ ബിജെപിയുടെ മുന്നേറ്റത്തെ പ്രതിരോധിക്കാന്‍ ഇരു മുന്നണികള്‍ക്കും കഴിഞ്ഞിട്ടില്ല. സിപിഎം-കോണ്‍ഗ്രസ് സംസ്ഥാന, ജില്ലാ നേതാക്കളുടെ ബൂത്തുകളില്‍ ബിജെപിയ്‌ക്ക് ഉണ്ടായ മുന്നേട്ടം അവരെ ഭയപ്പെടുത്തിയെന്നും ചാത്തന്നൂരില്‍ ബിജെപിയെ രാഷ്‌ട്രീയപരമായി പ്രതിരോധിക്കാന്‍ കഴിയാത്തവരാണ് ആരോപണങ്ങളുമായി രംഗത്തിറങ്ങുന്നതെന്നും എസ്. സുദീപ പറഞ്ഞു.
ബിജെപി കല്ലുവാതുക്കല്‍ ജനറല്‍ സെക്രട്ടറി സുനില്‍ കുമാര്‍, സെക്രട്ടറി വര്‍ക്കല വിഷ്ണു, ചിറക്കര വാര്‍ഡ് മെമ്പര്‍ അപ്പുകുട്ടന്‍പിള്ള, പാറയില്‍ ബൂത്ത് സെക്രട്ടറി ജയപ്രകാശ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: