പാരീസ്: മുന് ലോക ഒന്നാം നമ്പര് റോജര് ഫെഡറര് ഫ്രഞ്ച് ഓപ്പണില് നിന്ന് പിന്മാറി. മൂന്നാം റൗണ്ടില് ശക്തമായ പേരാട്ടത്തില് ജര്മനിയുടെ ഡൊമിനിക് കോഫെറെ തോല്പ്പിച്ചതിന് പിന്നാലെയാണ് ഫെഡറര് പിന്മാറിയത്.
വിശദമായ ചര്ച്ചകള്ക്കുശേഷമാണ് ഫ്രഞ്ച് ഓപ്പണില് നിന്ന് പിന്മാറാന് തീരുമാനിച്ചത്. ഒരു വര്ഷത്തിനുള്ളില് രണ്ട് തവണ കാല്മുട്ടിന് ശസ്ത്രക്രിയ്ക്ക് വിധേയനായതിനാല് ശരീരത്തെ ശ്രദ്ധിക്കണം. ധൃതിപിടിച്ച് മത്സരത്തിനിറങ്ങുന്നത് തിരിച്ചടിയാകുമെന്നും ഫെഡറര് പ്രസ്താവനയില് അറിയിച്ചതായി ഫ്രഞ്ച് ഓപ്പണ് സംഘാടകര് പറഞ്ഞു.
ഇരുപത് തവണ ഗ്രാന്ഡ് സ്ലാം ചാമ്പ്യനായ ഫെഡറര് മൂന്നാം റൗണ്ടില് ജര്മനിയുടെ ഡൊമിനിക് കോഫെറ ഒന്നിനെതിരെ മൂന്ന് സെറ്റുകള്ക്കാണ് പരാജയപ്പെടുത്തിയത്. സ്കോര്: 7-6(5), 6-7(3), 7-6(4), 7-5.
പതിനഞ്ചാം സീഡായ വിക്ടോറിയ അസരങ്ക ഫ്രഞ്ച് ഓപ്പണിന്റെ പ്രീ ക്വാര്ട്ടറില് പുറത്തായി. ശക്തമായ പോരാട്ടത്തില് റഷ്യന് താരം അനസ്താസിയ പവല്യൂചെങ്കോവയാണ് അസരങ്കയെ കീഴടക്കിയത്. മൂന്ന് സെറ്റ് നീണ്ട മത്സരത്തില് 5-7,6-3, 6-2 എന്ന സ്കോറിനാണ് അനസ്താസിയ വിജയിച്ചത്. പത്ത് വര്ഷത്തിനുശേഷമാണ് അനസ്താസിയ ഫ്രഞ്ച് ഓപ്പണിന്റെ ക്വാര്ട്ടര് ഫൈനലില് കടക്കുന്നത്.
അഞ്ചാം സീഡായ സ്റ്റെഫാനോ സിറ്റ്സിപാസ് ക്വാര്ട്ടര് ഫൈനലിലെത്തി. പ്രീ ക്വാര്ട്ടറില് നേരിട്ടുള്ള സെറ്റുകള്ക്ക് പന്ത്രണ്ടാം സീഡായ കരേനോ ബുസ്റ്റയെ തോല്പ്പിച്ചു. സ്കോര്: 6-3, 6-2, 7-5.
പതിനേഴാം സീഡ് മരിയ സക്കാരി, നാലാം സീഡ് സോഫിയ കെനിന്, ഇരുപത്തിനാലാം സീഡ് കൊക്കോ ഗൗഫ് എ്ന്നിവരും പ്രീ ക്വാര്ട്ടറില് കടന്നു. മരിയ സക്കരിയ മൂന്നാം റൗണ്ടില് പതിനാലാം സീഡായ എലിസ മെര്ട്ടന്സിനെ ഒന്നിനെതിരെ രണ്ട് സെറ്റുകള്ക്ക് തോല്പ്പിച്ചു. സ്കോര്: 7-5, 6-7, 6-2. മത്സരം മൂന്ന് മണിക്കൂര് നീണ്ടു.
സോഫിയ കെനിന് ആണ് പ്രീ ക്വാര്ട്ടറില് മരിയ സക്കരിയയുടെ എതിരാളി. ഇരുപത്തിയെട്ടാം സീഡായ ജെസിക്കയെ 4-6, 6-1, 6-4 എന്ന സ്കോറിന് തോല്പ്പിച്ചാണ് കെനിന് നാലാം റൗണ്ടിലെത്തിയത്.
മൂന്നാം റൗണ്ട് മത്സരത്തിനിടെ ജെന്നിഫര് ബ്രാഡി പരിക്കേറ്റ് പിന്മാറിയതിനെ തുടര്ന്നാണ് കൊക്കൊ ഗൗഫ് പ്രീ ക്വാര്ട്ടറിലെത്തിയത്. പ്രീ ക്വാര്ട്ടറില് കൊക്കൊ ഗൗഫ് ഇരുപത്തിയഞ്ചാം സീഡായ ജാബിയറിനെ നേരിടും. പോളണ്ടിന്റെ മഗ്ദ ലിനെറ്റിയെ തോല്പ്പിച്ചാണ് ജാബിയര് നാലാം റൗണ്ടിലെത്തിയത്. സ്കോര്: 3-6, 6-0, 6-1.
ജന്മഭൂമി ഓണ്ലൈന്