മുംബൈ: വിഖ്യാത ബോളിവുഡ് നടന് ദിലിപ് കുമാറിനെ ആശുപത്രിയില് പ്രവേശിപ്പിച്ചു. ശ്വാസതടസം നേരിട്ടതിനെ തുടര്ന്ന് ഞായറാഴ്ച രാവിലെ 98-കാരനായ അദ്ദേഹത്തെ മുംബൈയിലുള്ള ഹിന്ദുജ ആശുപത്രിയില് പ്രവേശിപ്പിക്കുകയായിരുന്നു. അദ്ദേഹത്തെ ഡോക്ടര്മാര് നിരീക്ഷിച്ചുവരികയാണ്. നടന്റെ ആരോഗ്യം സംബന്ധിച്ച കൂടുതല് വിവരങ്ങള് ഭാര്യയും മുതിര്ന്ന നടിയുമായ സൈറ ബാനു വാര്ത്താ ഏജന്സിയായ എഎന്ഐക്ക് നല്കി. കഴിഞ്ഞ കുറേദിവസമായി ദിലിപ് കുമാര് ശ്വസിക്കാന് ബുദ്ധിമുട്ടുകള് നേരിട്ടിരുന്നതായി അവര് അറിയിച്ചു.
1944-ല് ജ്വാര് ഭട്ടയെന്ന ചിത്രിത്തിലൂടെയാണ് ദിലിപ് കുമാര് ബോളിവുഡില് എത്തിയത്. അഞ്ചു പതിറ്റാണ്ടിനിടയില് നിരവധി ജനപ്രിയ സിനിമകളില് വേഷമിട്ടു. കോഹിനൂര്, മുഗള് ഇ അസം, ദേവ്ദാസ് തുടങ്ങിയ ചിത്രങ്ങള് ഹിറ്റുകളായിരുന്നു.
