തിരുവനന്തപുരം : ദേവികുളം എംഎല്എ എ. രാജ വീണ്ടും സത്യപ്രതിജ്ഞ ചെയ്തു. സ്പീക്കറുടെ ചേംബറിലായിരുന്നു ഇത്തവണ സത്യപ്രതിജ്ഞ ചെയ്തത്. ആദ്യ തവണ സത്യപ്രതിജ്ഞ ചെയ്തപ്പോള്‍ ദൈവനാമത്തിലെന്നോ, സഗൗരവമെന്നോ പ്രതിപാദിച്ചിരുന്നില്ല. ഈ പിഴവ് ചൂണ്ടിക്കാട്ടിയതിനെ തുടര്‍ന്നാണ് രാജ വീണ്ടും സത്യപ്രതിജ്ഞ ചെയ്യേണ്ടി വന്നത്.
തമിഴിലാണ് അദ്ദേഹം സത്യവാചകം ചൊല്ലിയത്. സത്യപ്രതിജ്ഞ മലയാളത്തില്‍ നിന്ന് തമിഴിലേക്ക് തര്‍ജ്ജിമ ചെയ്ത നിയമ വകുപ്പിന് പിഴവ് പറ്റിയതിനെ തുടര്‍ന്നാണ് ചൊവ്വാഴ്ച വീണ്ടും സത്യപ്രതിജ്ഞ ചെയ്തത്.
പ്രോടേം സ്പീക്കര്‍ പി.ടി. റഹീം മുമ്പാകെയാണ് ആദ്യം രാജ സത്യപ്രതിജ്ഞ ചെയ്തത്. 7848 വോട്ടിന്റെ ഭൂരിപക്ഷത്തിലാണ് ദേവികളും മണ്ഡലത്തില്‍ നിന്നും എ. രാജ വിജയിച്ചത്.
പ്രതികരിക്കാൻ ഇവിടെ എഴുതുക: