ബീജിംഗ്: ‘രണ്ടു കുട്ടികള്’ എന്ന നയം അവസാനിപ്പിക്കാനൊരുങ്ങി ചൈന. ദമ്പതികള്ക്ക് ഇപ്പോള് മൂന്ന് കുട്ടികള് വരെയാകാമെന്ന് ചൈനീസ് സർക്കാർ വ്യക്തമാക്കി. രാജ്യത്തെ ജനങ്ങള്ക്ക് അതിവേഗം പ്രായമാകുന്നു എന്ന സെന്സസ് വിവര പ്രകാരമാണ് നയത്തില് മാറ്റം വരുത്തുന്നത്.
രാജ്യത്തിന്റെ ജനനനിരക്ക് കുറയുന്ന പ്രശ്നത്തെ അഭിസംബോധന ചെയ്യാനാണ് ഭരണകക്ഷിയായ ചൈനീസ് കമ്മ്യൂണിസ്റ്റ് പാര്ട്ടി ഇത്തരമൊരു തീരുമാനമെടുത്തതെന്ന് പ്രസ്താവനയില് പറയുന്നു. ജനസമൂഹത്തിന് പ്രായം ചെല്ലുന്നതിനോടുള്ള പ്രതികരണമെന്ന നിലയില് ദമ്പതികള്ക്ക് മൂന്നുകുട്ടികളാകാം- തിങ്കളാഴ്ച പ്രസിഡന്റ് ഷി ജിന്പിങ്ങിന്റെ ആഭിമുഖ്യത്തില് നടന്ന പോളിറ്റ് ബ്യൂറോ ലീഡര്ഷിപ്പ് കമ്മിറ്റിയെ ഉദ്ധരിച്ച് സിന്ഹുവ റിപ്പോര്ട്ട് ചെയ്തു.
2016 മുതല് 2020 വരെ, തുടര്ച്ചയായ നാല് വര്ഷമായി രാജ്യത്ത് ജനനനിരക്ക് കുറയുന്നതായി ചൈന രേഖപ്പെടുത്തി. ബീജിംഗിലെ വരാനിരിക്കുന്ന ഡെമോഗ്രാഫിക്സും അനുസരിച്ചും നഗരത്തില് ജനസംഖ്യ കുറയുകയാണെന്നാണ് റിപ്പോര്ട്ട്. ഈ മാസം ആദ്യം, ചൈനയുടെ ദശകീയ സെന്സസിന്റെ കണ്ടെത്തലുകള് പ്രകാരം 1950 കള്ക്കുശേഷം രാജ്യത്തെ ജനസംഖ്യ മന്ദഗതിയിലായിരുന്നു,
1978 ല് ചൈന ആദ്യമായി ഒരു കുട്ടി നയം നടപ്പിലാക്കിയത്. 2016 ജനുവരി മുതല്, ദമ്പതികള്ക്ക് രണ്ടു കുട്ടികള് വരെയാകാമെന്ന് ചൈനീസ് കമ്യൂണിസ്റ്റ് പാര്ട്ടി തീരുമാനിച്ചിരുന്നു.
