ന്യൂദല്‍ഹി : കോവിഡ് രോഗവ്യാപനം തുടരുമ്പോഴും ഇന്ത്യയുടെ രാഷ്ട്രീയ ഘടന സുസ്ഥിരമെന്ന് സൗദി ദിനപത്രം. കോവിഡ് മാഹാമാരി പുര്‍ണ്ണമായും തുടച്ചുനീക്കാന്‍ ആയില്ലെങ്കിലും ഇന്ത്യ ലോകത്തിലെ ഏറ്റവും വലിയ ശക്തിയെന്നും പത്രത്തിന്റെ റിപ്പോര്‍ട്ടില്‍ പറയുന്നുണ്ട്.
കോവിഡ് പ്രതിരോധത്തില്‍ വിമര്‍ശനങ്ങള്‍ നേരിട്ടെങ്കിലും പ്രധാനമന്ത്രി നരേന്ദ്രമോദിയും ബിജെപിയും രാജ്യത്ത് സുരക്ഷിതരാണ്. വികസ്വര രാജ്യങ്ങള്‍ക്ക് ഇന്ത്യയോട് അസൂയയാണെന്നും അമേരിക്കന്‍ വിദേശനയ വിദഗ്ധന്‍ ഡോ.ജോണ്‍ സി.ഹാള്‍സ്മാന്‍ എഴുതിയ റിപ്പോര്‍ട്ടില്‍ വിശദീകരിക്കുന്നു.
കോവിഡ് ഇന്ത്യയുടെ ആരോഗ്യ മേഖലയെ ബാധിച്ചു. അന്താരാഷ്‌ട്ര മാധ്യമങ്ങളില്‍ ചിലത് കുറ്റപ്പെടുത്തി. പക്ഷേ ഇന്ത്യ ലോകത്തിലെ ഏറ്റവും വലിയ ശക്തിയായി മാറുമെന്നുറപ്പാണെന്നും റിപ്പോര്‍ട്ടില്‍ പറയുന്നുണ്ട്. 2024ഓടെ ലോകത്തെ ഏറ്റവും ജനസംഖ്യയുള്ള രാജ്യമായി മാറും. 2050 ആകുമ്പോഴേക്കും മൊത്തം ജിഡിപിയുടെ 15 ശതമാനം ഇന്ത്യക്ക് വഹിക്കാനാകുമെന്നും ഡോ.ഹാള്‍സ്മാന്റെ ലേഖനത്തില്‍ പറയുന്നുണ്ട്.
പ്രതികരിക്കാൻ ഇവിടെ എഴുതുക: