തിരുവനന്തപുരം: കോവിഡ് മാനദണ്ഡങ്ങള് ലംഘിച്ചുകൊണ്ട് വയലാറില് മുഖ്യമന്തിയുടെ നേതൃത്വത്തില് നടന്ന പരിപാടിയില് പങ്കെടുത്തവര്ക്കെതിരെ കേസെടുക്കണമെന്ന് എബിവിപി സംസ്ഥാന സെക്രട്ടറി എം.എം. ഷാജി ആവശ്യപ്പെട്ടു. കോവിഡ് മാനദണ്ഡങ്ങള് ലംഘിക്കാന് ഒരു സംസ്ഥാനത്തിന്റെ മുഖ്യമന്ത്രി നേതൃത്വം കൊടുത്തത് തികച്ചും ദൗര്ഭാഗ്യകരമാണ്.
വയലാര് രക്തസാക്ഷി മണ്ഡപത്തില് കോവിഡ് മാനദണ്ഡങ്ങള് പൂര്ണമായും ലംഘിച്ചുകൊണ്ട് നിരവധിയാളുകള് ഒത്തു ചേര്ന്നത് മുഖ്യമന്ത്രിയുടെ അറിവോടെയാണെന്നത് ഖേദകരമാണ്. സമൂഹത്തിന് ദോഷം വരുത്തുന്ന പ്രവര്ത്തനങ്ങള്ക്ക് നേതൃത്വം കൊടുക്കുന്ന സാമൂഹ്യദ്രോഹികള്ക്ക് പിന്തുണ കൊടുക്കുമ്പോള് എന്ത് സന്ദേശമാണ് കേരളത്തിലെ പ്രബുദ്ധരായ ജനതക്ക് മുഖ്യമന്ത്രി നല്കുന്നത്. വിഷയത്തില് ശക്തമായ നിയമനടപടികള് സ്വീകരിക്കണമെന്നാവശ്യപ്പെട്ട് ഡിജിപിക്കും ചേര്ത്തല സിഐക്കും എബിവിപി പരാതി നല്കിയിയെന്നും അദ്ദേഹം പ്രസ്താവിച്ചു.
കോവിഡ് മാനദണ്ഡങ്ങള് ലംഘിച്ച് സത്യപ്രതിജ്ഞ ചടങ്ങ് നടത്തുന്ന എല്ഡിഎഫ് സര്ക്കാരിന്റെ ജനവിരുദ്ധ തീരുമാനത്തിനെതിരെ ഇന്നലെ എബിവിപി കരിദിനം ആചരിച്ചിരുന്നു.
