രാജീവ് രവിയുടെ ഏറ്റവും പുതിയ ചിത്രമായ തുറമുഖത്തിന്റെ ടീസര് റംസാന് റിലീസ് ചെയ്യും. മെയ് 13ന് രാവിലെ പതിനൊന്ന് മണിക്കാണ് റിലീസിങ് നിശ്ചയിച്ചിരിക്കുന്നത്. തെക്കേപ്പാട്ട് ഫിലിംസിന്റെ ബാനറില് സുകുമാരന് തെക്കേപ്പാട്ടാണ് ചിത്രം നിര്മിക്കുന്നത്.
നിവിന് പോളി, നിമിഷ സജയന് ഇന്ദ്രജിത്ത് സുകുമാരന് എന്നിവര് കേന്ദ്ര കഥാപാത്രമാകുന്ന ചിത്രത്തില് ഇവരെ കൂടാതെ ജോജു ജോര്ജ്, പൂര്ണിമ ഇന്ദ്രജിത്ത്, അര്ജുന് അശോകന്, സുദേവ് നായര്, മണികണ്ഠന് ആചാരി തുടങ്ങിയ പ്രമുഖരും വേഷമിടുന്നുണ്ട്.
കടലും കരയും മനുഷ്യരും കെട്ടുപിണഞ്ഞു കിടക്കുന്ന കഥാന്തരീക്ഷത്തില് മൂന്ന് കാലഘട്ടങ്ങളുടെ കഥയാണ് തുറമുഖത്തിലൂടെ പറയുന്നത്. തിരക്കഥാ സംഭാഷണം എഴുതിയിരിക്കുന്നത് ഗോപന് ചിദംബരമാണ്. എഡിറ്റര്- ബി. അജിത്കുമാര്, പ്രൊഡക്ഷന് ഡിസൈനര്- ഗോകുല് ദാസ്. വാര്ത്ത പ്രചരണം- എ.എസ്. ദിനേശ്.
