കൊല്‍ക്കത്ത: പശ്ചിമ ബംഗാളില്‍ തെരഞ്ഞെടുപ്പ് ഫലത്തിന് പിന്നാലെ തൃണമൂല്‍ ഗുണ്ടകളുടെ അതിക്രമങ്ങള്‍ ഭയന്ന് സിപിഎം അനുഭാവികളുടെ കുടുംബങ്ങള്‍ ബിജെപി ഭൂരിപക്ഷ മേഖലകളിലേക്ക് പാലായനം ചെയ്യുന്നു. തൃണമൂല്‍ ഗുണ്ടകളെ ബിജെപി സംഘം ചേര്‍ന്ന് ചെറുത്തതോടെയാണ് കോണ്‍ഗ്രസ് സിപിഎം അനുഭാവികളുടെ കുടുംബങ്ങള്‍ ബിജെപി ഭൂരിപക്ഷ മേഖലകളിലേക്ക് പാലായനം ചെയ്യുന്നത്. തൃണമൂല്‍ അക്രമണത്തില്‍ ഇതുവരെ 12 പേരാണ് മരിച്ചത്. തൃണമൂല്‍ കോണ്‍ഗ്രസ് അനുഭാവികള്‍ പാര്‍ട്ടിപ്രവര്‍ത്തകയെ കൂട്ടബലാല്‍സംഗം ചെയ്‌തെന്ന് ബിജെപി ആരോപിച്ചു.
നന്ദിഗ്രാം മണ്ഡലത്തിലെ നാല് ബിജെപി ഓഫീസുകളാണ് അഗ്‌നിക്കിരയാക്കിയത്. വാഹനങ്ങള്‍ കത്തിച്ചു. നിരവധി ബിജെപി സ്ഥാനാര്‍ത്ഥികളുടെ വീടുകള്‍ക്ക് നേരെ അക്രമം നടന്നു. ബീര്‍ഭുമിലെ നാനൂരില്‍ ബിജെപി പ്രവര്‍ത്തകയെ തൃണമൂല്‍ അനുഭാവികള്‍ കൂട്ടബലാല്‍സംഗം ചെയ്തത്. ബീര്‍ഭുമിലെ സിപിഎം പ്രവര്‍ത്തകരും നന്ദിഗ്രാമിലെ സിപിഎം കോണ്‍ഗ്രസ് പ്രവര്‍ത്തകരും ബിജെപിയ്‌ക്ക് ഭൂരിപക്ഷമുള്ള മേഖലയിലേക്ക് ഇന്നു രാവിലെ മുതലാണ് എത്തിയത്. ബിജെപി ദേശീയ അധ്യക്ഷന്‍ ബംഗാള്‍ സന്ദര്‍ശിക്കുന്നതിന്റെ ഭാഗമായി തൃണമൂല്‍ ഗുണ്ടകളെ പാര്‍ട്ടി പ്രവര്‍ത്തകര്‍ അടിച്ചോടിച്ചിരുന്നു. ഇതോടെയാണ് സിപിഎം പ്രവര്‍ത്തകര്‍ രക്ഷ തേടി ഈ സ്ഥലങ്ങളിലേക്ക് എത്തിയത്. അഭയം തേടിവരുന്നവര്‍ക്ക് സംരക്ഷണം ഒരുക്കുമെന്ന് ബിജെപി സംസ്ഥാന നേതൃത്വം വ്യക്തമാക്കി.
അതേസമയം, തെരഞ്ഞെടുപ്പ് ഫലത്തിന് പിന്നാലെ സംസ്ഥാനത്ത് തൃണമൂല്‍ കോണ്‍ഗ്രസ് നടത്തിയ വ്യാപക ആക്രമണങ്ങള്‍ക്കെതിരെ രൂക്ഷ വിമര്‍ശനവുമായി ഗവര്‍ണര്‍ ജഗ്ദീപ് ധന്‍കര്‍ രംഗത്തെത്തി. സംസ്ഥാനത്ത് രണ്ട് ദിവസമായി നടക്കുന്ന തൃണമൂല്‍ ആക്രമണങ്ങള്‍ക്ക് കാരണം പോലീസിന്റെ നിഷ്‌ക്രിയത്വം ആണെന്നും ഗവര്‍ണര്‍ ആരോപിച്ചു.
തെരഞ്ഞെടുപ്പ് ഫലത്തിന് പിന്നാലെ ബിജെപി പ്രവര്‍ത്തകര്‍ക്ക് നേരെ നടന്ന വ്യാപക ആക്രമണങ്ങളില്‍ 11 പേരാണ് കാല്ലപ്പെട്ടത്. ഇതിനെ തുടര്‍ന്ന് സംസ്ഥാന പോലീസിനോട് ഗവര്‍ണര്‍ അടിയന്തിരമായി വിശദീകരണം തേടിയെങ്കിലും നല്‍കിയിരുന്നില്ല. ഇതിനെ തുടര്‍ന്ന് സംസ്ഥാന പോലീസ് മേധാവിയേയും ചീഫ് സെക്രട്ടറിയേയും കൊല്‍ക്കത്ത കമ്മിഷ്ണറേയും രാജ്ഭവനില്‍ വിളിച്ചു വരുത്തി ഗവര്‍ണര്‍ അതൃപ്തി അറിയിക്കുകയായിരുന്നു.
പോലീസിന്റെ ഭാഗത്തു നിന്നും കടുത്ത അനാസ്ഥയാണെന്നും സംസ്ഥാനത്തെ ഇത്തരം അക്രമസാഹചര്യം അപമാനമാണ്. പോലീസിന്റെ നിഷ്‌ക്രിയത്വം കാരണമാണ് സംസ്ഥാനത്തെ സ്ഥിതിഗതികള്‍ ഇത്രയും വഷളായതെന്നും ജഗ്ദീപ് ധന്‍കര്‍ രൂക്ഷമായി വിമര്‍ശിച്ചു.
പ്രതികരിക്കാൻ ഇവിടെ എഴുതുക: