ജോജു ജോര്ജ്ജ്, നിരഞ്ജ് രാജു, അജു വര്ഗ്ഗീസ് എന്നിവര് പ്രധാന കഥാപാത്രങ്ങളായി എത്തുന്ന ഒരു താത്വിക അവലോകനം എന്ന സിനിമയുടെ ലിറിക്കല് വിഡിയോ പുറത്തിറക്കി. യോഹന് പ്രൊഡക്ഷന്സിന്റെ ബാനറില് ഡോ. ഗീവര്ഗ്ഗീസ് യോഹന്നാന് നിര്മിച്ചു അഖില് മാരാരാണ് ചിത്രം തിരക്കഥയെഴുതി സംവിധാനം ചെയ്യുന്നത്.
‘തങ്കസൂര്യന് ഉദിച്ചു തെളിഞ്ഞു…’എന്നാരംഭിക്കുന്ന ഈ ഗാനം മധു ബാലകൃഷ്ണന്, രാജലക്ഷ്മി, ജോസ് സാഗര്, ഖാലീദ് എന്നിവര് ചേര്ന്നാണ് ആലപിക്കുന്നത്. കൈതപ്രത്തിന്റെ വരികള്ക്ക് ഒ.കെ. രവിശങ്കറാണ് സംഗീതം പകര്ന്നിരിക്കുന്നത്.
ഷമ്മി തിലകന്, മേജര് രവി, പ്രേംകുമാര്, ബാലാജി ശര്മ്മ, വിയാന്, ജയകൃഷ്ണന്, നന്ദന് ഉണ്ണി, മാമുക്കോയ, പ്രശാന്ത് അലക്സ്, മന് രാജ്, ഉണ്ണി രാജ്, സജി വെഞ്ഞാറമൂട്, പുതുമുഖം അഭിരാമി, ശൈലജ തുടങ്ങിയവര് ചിത്രത്തില് വേഷമിടുന്നുണ്ട്. ഛായാഗ്രഹണം- വിഷ്ണു നാരായണന്. ശങ്കര് മഹാദേവന്, മധു ബാലകൃഷ്ണന്, ജോസ് സാഗര്, രാജാലക്ഷ്മി എന്നിവരാണ് ഗായകര്. പശ്ചാത്തല സംഗീതം- ഷാന് റഹ്മാന്, എഡിറ്റിങ്- ലിജോ പോള്.
പൂര്ണ്ണമായും രാഷ്ട്രീയ ആക്ഷേപ ഹാസ്യത്തിനു പ്രാധാന്യം നല്കി ഒരുക്കുന്ന ചിത്രമായ ഒരു താത്വിക അവലോകം അടുത്തു തന്നെ റിലീസ് ചെയ്യും. വാര്ത്താ പ്രചരണം- എ.എസ്. ദിനേശ്.
