മാനന്തവാടി: ജില്ലാ ആശുപത്രി മെഡിക്കല്‍ കോളേജായി ഉയര്‍ത്തിയതോടെ കഷ്ടത്തിലായത് എച്ച്എംസി നിയമിച്ച താല്‍ക്കാലിക ജീവനക്കാര്‍. കഴിഞ്ഞ രണ്ട് മാസമായി ശമ്പളമില്ലാതെ ജോലി ചെയ്ത് വരികയാണ് ആശുപത്രിയിലെ നൂറിലധികം ജീവനക്കാര്‍.
പ്രശ്‌ന പരിഹാരമായില്ലെങ്കില്‍ വിഷുവും പെരുനാളുമെല്ലാം പട്ടിണിയുടെ ഉത്സവങ്ങളാവുമെന്ന കാര്യം ഉറപ്പ്. മാനന്തവാടിയിലെ ജില്ലാ ആശുപത്രി മെഡിക്കല്‍ കോളജായ് ഉയര്‍ത്തിയത് നാടിന് ഗുണമാണെങ്കിലും ജില്ലാ ആശുപത്രിയായിരുന്ന കാലത്ത് എച്ച്എംസി നിയമിച്ച താല്‍ക്കാലിക ജീവനക്കാര്‍ക്ക് ഇരുട്ടടിയാണ് ഉണ്ടായത്. മെഡിക്കല്‍ കോളേജായി ഉയര്‍ത്തിയതോടെ കഴിഞ്ഞ രണ്ട് മാസമായി ഇവര്‍ക്ക് ശമ്പളമില്ല. ജില്ലാ ആശുപത്രിയായിരുന്നപ്പോള്‍ ഇവരുടെ ശമ്പളവും മറ്റും നല്‍കിയിരുന്നത് ജില്ലാ പഞ്ചായത്താണ് എന്നാല്‍ മെഡിക്കല്‍ കോളേജായ് ഉയര്‍ത്തിയേതോടെ അത് സംസ്ഥാന സര്‍ക്കാരിന്റെ നിയന്ത്രണത്തിലുമാണ് എന്നതാണ് സ്ഥിതി.
മെഡിക്കല്‍ കോളേജായി ഉയര്‍ത്തുകയും അതിന് ശേഷം തിരഞ്ഞെടുപ്പും കൂടി വന്നതോടെ ആശുപത്രിയിലെ താല്‍ക്കാലിക ജീവനകാരുടെ സ്ഥിതി നോക്കാന്‍ പിന്നെ ആരുമില്ലാത്ത അവസ്ഥയുമായി. ഫലത്തില്‍ കഴിഞ്ഞ രണ്ട് മാസമായി ശമ്പളമില്ലാതെ ഒരു പ്രതിഷേധ സ്വരവുമില്ലാതെ ജോലി ചെയ്ത് വരികയാണ് ഇവിടുത്തെ നൂറിലധികം ജീവനക്കാര്‍. പ്രശ്‌നത്തിന് പരിഹാരം കാണാന്‍ അധികൃതര്‍ തയ്യാറാവണമെന്ന് ബിജെപി ജില്ലാ ജനറല്‍ സെക്രട്ടറിയും എച്ച്എംസി അംഗവുമായ അഖില്‍ പ്രേം പറഞ്ഞു.
ഞങ്ങള്‍ ഞങ്ങളുടെതല്ലെന്നും നിങ്ങള്‍ നിങ്ങളുടെതല്ലെന്നും ന്യായം നിരത്തുന്ന അധികൃതര്‍ ഉത്സവനാളുകൡലെങ്കിലും ജില്ലാ ആശുപത്രിയിലെ താല്‍ക്കാലിക ജീവനക്കാരുടെ മുടങ്ങി കിടക്കുന്ന ശമ്പളം നല്‍കാന്‍ മുന്നോട്ട് വരണം.
പ്രതികരിക്കാൻ ഇവിടെ എഴുതുക: