ചെന്നൈ: ഓസീസ് പേസര് ജോഷ് ഹെയ്സല്വുഡിന് പകരം മറ്റൊരു ഓസീസ് പേസറായ ജേസന് ബെഹ്റന്ഡോര്ഫിനെ ചെന്നൈ സൂപ്പര് കിങ്സ് ടീമിലെത്തിച്ചു. ഇടം കൈയ്യന് പേസറായ ബെഹ്റന്ഡോര്ഫ് പതിനൊന്ന് ഏകദിനങ്ങളും ഏഴ് ടി 20 മത്സരങ്ങളും കളിച്ചിട്ടുണ്ട്.
ബെഹ്റന്ഡോര്ഫിന്റെ രണ്ടാം ഐപിഎല് ടീമാണ് ചെന്നൈ സൂപ്പര് കിങ്സ്. 2019 ല് മുംബൈ ഇന്ത്യന്സിനായി അഞ്ച് ഐപിഎല് മത്സരങ്ങള് കളിച്ചു. അഞ്ചു വിക്കറ്റും വീഴ്ത്തി.
ഹെയ്സല്വുഡ് നേരത്തെ തന്നെ ഈ സീസണിലെ ഐപിഎല്ലില് നിന്ന് പിന്മാറി. ഈ വര്ഷം അവസാനം നടക്കുന്ന ആഷസ് പരമ്പരയ്ക്ക് തയ്യാറെടുക്കുന്നതിന്റെ ഭാഗമായാണ് ഹെയ്സല്വുഡ് ഐപിഎല്ലില് നിന്ന് പിന്മാറിയത്. കഴിഞ്ഞ സീസണില് ചെന്നൈ സൂപ്പര് കിങ്സിനായി മൂന്ന്് മത്സരങ്ങള് കളിച്ചു.
