ചേര്‍ത്തല: എസ്എഫ്‌ഐക്കാര്‍ കോളേജ് യൂണിയന്‍ ചെയര്‍മാനെ ആക്രമിച്ചു. തടയാന്‍ ശ്രമിച്ച വിദ്യാര്‍ത്ഥിനിക്കും പരിക്കേറ്റു. പള്ളിപ്പുറം എന്‍എസ്എസ് കോളേജ് ചെയര്‍മാന്‍ കഞ്ഞിക്കുഴി ആറാം വാര്‍ഡില്‍ പ്രസാദത്തില്‍ ജെ. ആനന്ദി (20)നാണ് അടിയേറ്റത്. തടയാന്‍ ചെന്ന എബിവിപി പ്രവര്‍ത്തക ബിഎ എക്കണോമിക്‌സ് വിദ്യാര്‍ത്ഥിനി അനു(18) വിനും പരിക്കേറ്റു. സീനിയേഴ്‌സിന്റെ യാത്രയയപ്പുമായി ബന്ധപ്പെട്ട ചടങ്ങില്‍ പങ്കെടുക്കാനെത്തിയ ആനന്ദിനെ ഇരുമ്പ് വടിക്ക് അടിക്കുകയായിരുന്നു.
ഓടിയെത്തിയ അനുവിനെ തള്ളി താഴെയിടുകയും കൈ പിടിച്ച് തിരിക്കുകയുമായിരുന്നു. രണ്ട് പേരെയുംതാലൂക്ക് ആശുപത്രിയില്‍ പ്രവേശിപ്പിച്ചു. പോലീസില്‍ പരാതി നല്‍കി. കുറ്റക്കാരായവര്‍ക്കെതിരെ ശക്തമായ നിയമനടപടികള്‍ സ്വീകരിക്കണമെന്നും എബിവിപി ജില്ലാ പ്രസിഡന്റ് സുജിത്ത് വീയപുരം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: