കല്‍പ്പറ്റ: പ്രചരണത്തിലെ വ്യത്യസ്ഥതയും കഠിനാദ്ധ്വാനവും വലിയ രീതിയില്‍ ഗുണം ചെയ്യുമെന്ന പ്രതീക്ഷയില്‍ ആണ് കല്‍പ്പറ്റ മണ്ഡലം എന്‍ഡിഎ സ്ഥാനാര്‍ത്ഥി ടി.എം. സുബീഷ്, കഴിഞ്ഞ ദിവസങ്ങളില്‍ മഹിളാ മോര്‍ച്ച, യുവമോര്‍ച്ച തുടങ്ങിയവയുടെ നേതൃത്വത്തില്‍ നടന്ന റോഡ് ഷോകള്‍ സൃഷ്ടിച്ച തരംഗവും മൂന്നാം തീയതി കേന്ദ്ര അഭ്യന്തര മന്ത്രി അമിത് ഷാ എത്തുന്നതോടുകൂടി അതിന്റെ ഉന്നതിയില്‍ എത്തുമെന്നാണ് വിലയിരുത്തല്‍.
നിലവിലെ എംഎല്‍എ സി.കെ. ശശീന്ദ്രനെ മാറ്റി ശ്രേയാംസ് കുമാറിന് സീറ്റു നല്‍കിയതോടെ എല്‍ഡഎഫ് പ്രവര്‍ത്തകരിലുണ്ടായ നിസ്സംഗതയും മുസ്ലീം ലീഗിന്റെ കടുംപിടുത്തത്തിനു വഴങ്ങി സ്ഥാനാര്‍ത്ഥി നിര്‍ണ്ണയം നടത്തിയ കോണ്‍ഗ്രസ്സിന്റെ നിലപാടില്‍ അതൃപ്തരായി പാര്‍ട്ടി വിട്ട നേതാക്കള്‍ ഉയര്‍ത്തിവിട്ട ചോദ്യങ്ങളും മുന്നണിയെ കുഴപ്പിക്കുകയാണ്.
പാര്‍ട്ടിയില്‍ തന്നെ ഇരുന്നു കൊണ്ട് നിഷ്‌ക്രിയതയിലൂടെ പ്രതികരിക്കുന്ന യുഡിഎഫ് നേതാക്കളും എന്‍ഡിഎ സ്ഥാനാര്‍ത്ഥിയുടെ മുന്നേറ്റത്തിനു കാരണമാകുമെന്നാണ് മണ്ഡലത്തിലെ ചര്‍ച്ചകള്‍. മറ്റ് സ്ഥാനാര്‍ത്ഥികളെ അപേക്ഷിച്ച് പര്യടനത്തിലും ഏറെ മുന്നിലാണ് സുബീഷ്. തികഞ്ഞ ആത്മവിശ്വാത്തിലാണ് സ്ഥാനാര്‍ത്ഥിയും കല്‍പ്പറ്റയിലെ എന്‍ഡിഎ ക്യാമ്പും.
പ്രതികരിക്കാൻ ഇവിടെ എഴുതുക: