മഞ്ചേശ്വരം: മഞ്ചേശ്വരം മണ്ഡലത്തിലെ എന്ഡിഎ സ്ഥാനാര്ത്ഥിയും ബിജെപി സംസ്ഥാന അധ്യക്ഷനുമായ കെ.സുരേന്ദ്രന് മഞ്ചേശ്വരം മണ്ഡലത്തിലെ വിവിധ മേഖലകളില് ഇന്നലെ പര്യടനം നടത്തി. എല്ലാവര്ക്കും കെ.സുരേന്ദ്രനോട് പറയാനുള്ളത് മണ്ഡലത്തിലെ വികസന മുരടിപ്പ് മാത്രമാണ്. എല്ലാ പരാതികളും കേട്ടറിഞ്ഞ കെ.സുരേന്ദ്രന് ഇത്തവണ നിങ്ങള് എന്ന വിജയിപ്പിച്ചാല് അടുത്ത അഞ്ചു വര്ഷം കൊണ്ട് മഞ്ചേശ്വരത്തെ പുതിയ മഞ്ചേശ്വരമാക്കുമെന്ന് കെ.സുരേന്ദ്രന് ജനങ്ങള്ക്ക് വാക്കു നല്കി.
കേന്ദ്രസര്ക്കാരിന്റെ സഹായത്തോടെ സമസ്ത മേഖലയിലും മഞ്ചേശ്വരത്ത് വികസനം എത്തിക്കാന് സാധിക്കുമെന്ന് കെ.സുരേന്ദ്രന് ഉറപ്പ് നല്കി. കനില ശ്രീ ഭഗവതി ഭണ്ടരാ നിലയം സന്ദര്ശിച്ചാണ് കെ. സുരേന്ദ്രന് ഇന്നലെ തന്റെ പ്രചരണം ആരംഭിച്ചത്. തുടര്ന്ന് മഞ്ചേശ്വരം ചര്ച്ച് സന്ദര്ശിച്ച് വോട്ട് അഭ്യര്ഥിച്ചു.
കണ്വതീർത്ഥ ബീച്ച് പരിസരത്തെത്തിയ കെ.സുരരേന്ദ്രന് വന് സ്വീകരണമാണ് പ്രദേശവാസികള് ഒരുക്കിയിരുന്നത്. കുഞ്ചത്തൂര് ഹൈഗ്ലോടി കോളനിയില് എത്തിയ കെ. സുരേന്ദ്രനോട് പ്രദേശ വാസികള്ക്ക് പറയാനുണ്ടായിരുന്നത് തങ്ങളുടെ ദുരിതങ്ങളെ കുറിച്ച് മാത്രമായിരുന്നു. എല്ലാത്തിനും പരിഹാരം കാണാമെന്ന് വാക്കു നല്കി അടുത്തെത്തിയത് ഉദ്യാവര് ഗുഡ്ഡ കോളനിയിലായിരുന്നു. അവിടെയും കെ.സുരേന്ദ്രന് വന് സ്വീകരണമാണ് ലഭിച്ചത്.
മണ്ഡലത്തിലെ വിവിധ മേഖലകള് സന്ദര്ശിച്ച് വൈകിട്ടോടെ പര്യടനം അവസാനിച്ചു. ഇന്ന് രാവിലെ കോന്നിയിലേയ്ക്ക് പര്യടനത്തിന് പോകുന്ന കെ.സുരേന്ദ്രന് അടുത്ത ദിവസങ്ങളില് തന്നെ മണ്ഡലത്തില് വീണ്ടും പ്രചരണത്തിനെത്തും.
