കൊല്‍ക്കത്ത : മിഥുന്‍ ചക്രബര്‍ത്തിക്ക് പിന്നാലെ ബിജെപിയില്‍ അംഗമായ ബംഗാളി സിനിമാ രംഗത്തെ മികച്ച അഭിനേത്രിയായ ശ്രാബന്ദി ചാറ്റര്‍ജി തെരഞ്ഞെടുപ്പ് അങ്കത്തിന് ഒരുങ്ങുന്നു. മാര്‍ച്ച് ആദ്യമാണ് ശ്രാബന്ദി ബിജപി അംഗത്വം സ്വീകരിച്ചത്.
താന്‍ ഏറെ ആവേശഭരിതയാണ്. രാജ്യംഭരിക്കുന്ന പാര്‍ട്ടി ഈ തെരഞ്ഞെടുപ്പില്‍ തനിക്ക് ഒരു അവസരം നല്‍കിയിരിക്കുന്നു. തെക്കന്‍ ബെഹലാ മണ്ഡലത്തില്‍ നിന്നാണ് ജനവിധി തേടുന്നത്. ഇന്നത്തെ അതിവേഗം മാറുന്ന അന്തരീക്ഷത്തില്‍ തനിക്ക് അടങ്ങിയിരിക്കാനാവില്ല. ജനങ്ങള്‍ തനിക്ക് വലിയ പിന്തുണ നല്‍കുന്നുണ്ടെന്നും ശ്രാബന്ദി അറിയിച്ചു.
സൗത്ത് 24 പര്‍ഗാന മേഖലയിലാണ് പ്രദേശവാസി കൂടിയായ പ്രമുഖ നടി ശ്രാബന്ദി ചാറ്റര്‍ജി മത്സരിക്കുന്നത്. തൃണമൂലിന്റെ പ്രമുഖ മന്ത്രികൂടിയായ പാര്‍ത്ഥാ ചാറ്റര്‍ജിക്കെതിരെയാണ് ബെഹലാ നിയമസഭാ മണ്ഡലത്തിലേക്ക് ശ്രാബന്ദി ജനവിധി തേടുന്നത്. പാര്‍ത്ഥാ ചാറ്റര്‍ജിക്കെതിരെ ശക്തമായ പോരാട്ടമാണ് ശ്രാബന്ദി കാഴ്ചവെയ്‌ക്കുന്നത്. അതുകൊണ്ടുതന്നെ മണ്ഡലത്തില്‍ ബിജെപി നേതാക്കള്‍ ഏറെ വിജയ പ്രതീക്ഷ പുലര്‍ത്തുന്നുണ്ട്.
പ്രതികരിക്കാൻ ഇവിടെ എഴുതുക: