തിരുവനന്തപുരം: സംസ്ഥാനത്ത് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യത. ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. ഇത്തരം ഇടിമിന്നല് അപകടകാരികള് ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കുന്നുണ്ട്.
ഉച്ചയ്ക്ക് രണ്ടു മണി മുതല് രാത്രി പത്തുമണി വരെ അന്തരീക്ഷം മേഘാവൃതമാണെങ്കില് തുറസായ സ്ഥലത്തും ടെറസിലും കുട്ടികള് കളിക്കുന്നത് ഒഴിവാക്കണമെന്നും മുന്നറിയിപ്പില് വ്യക്തമാക്കുന്നു. ഇന്ന് ആലപ്പുഴ, കോട്ടയം ജില്ലകളില് ചൂട് കൂടാന് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കുന്നു. താപനില മൂന്ന് ഡിഗ്രി വരെ ഉയരാന് സാധ്യതയുള്ളതിനാല് ജാഗ്രത പാലിക്കണം.
മലയോര മേഖലയിലുള്ളവര് കൂടുതല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പില് പറയുന്നു. പൊതുജനങ്ങള് രാവിലെ 11 മുതല് 3 മണി വരെയുള്ള സമയത്ത് നേരിട്ട് സൂര്യപ്രകാശം എല്ക്കുന്നത് ഒഴിവാക്കണമെന്നും ജാഗ്രതാ നിര്ദേശത്തില് പറയുന്നു. കേരളം ഉയര്ന്ന അന്തഃരീക്ഷ ആര്ദ്രതയുള്ള ഒരു തീരദേശ സംസ്ഥാനമായതിനാല് താപനില ഉയരുന്നത് സൂര്യാഘാതം, സൂര്യാതപം, നിര്ജ്ജലീകരണം തുടങ്ങിയ ഗുരുതരമായ ആരോഗ്യ പ്രശ്നങ്ങളിലേക്ക് നയിക്കുകയും ചെയ്യും.
