തൃശൂര്‍: കയ്‌പ്പമംഗലത്തെ മുന്‍ യുഡിഎഫ് സ്ഥാനാര്‍ത്ഥിയും ആര്‍എസ്പി നേതാവ് കൂടിയായ മുഹമ്മദ് നഹാസ് ബിജെപിയില്‍. ബിജെപി നേതാവ് എ.എന്‍. രാധാകൃഷ്ണന്‍ ഷാള്‍ അണിയിച്ച് നഹാസിനെ പാര്‍ട്ടിയിലേക്ക് സ്വീകരിച്ചു.
ആര്‍എസ്പി യുവജന വിഭാഗം സംസ്ഥാന അധ്യക്ഷനായിരുന്ന നഹാസ് കഴിഞ്ഞ തവണ യുഡിഎഫിന് വേണ്ടി മത്സരിച്ചിരുന്നു. സീറ്റ് വിഭജനവുമായി ബന്ധപ്പെട്ട് നടന്ന ചര്‍ച്ചകളില്‍ കയ്പമംഗലം വേണ്ടെന്ന് ആര്‍എസ്പി അറിയിച്ചിരുന്നു. തുടര്‍ന്ന് കയ്‌പ്പമംഗലത്ത് കോണ്‍ഗ്രസ് സ്ഥാനാര്‍ത്ഥിയാണ് മത്സരിക്കുന്നത്. ഇതില്‍ പ്രതിഷേധിച്ചാണ് നഹാസ് പാര്‍ട്ടി വിട്ടത്.
കയ്പമംഗലം ആര്‍എസ്പിക്ക് വിട്ടുകൊടുക്കുന്നതിനെതിരെ കോണ്‍ഗ്രസ് നേതാവും തൃശൂര്‍ എംപിയുമായ ടി.എന്‍. പ്രതാപനും രംഗത്ത് എത്തിയിരുന്നു. ഇതിനെ തുടര്‍ന്നാണ് സീറ്റ് വേണ്ടെന്ന് ആര്‍എസ്പി തീരുമാനമെടുത്തത്. ഇതോടെ കയ്പമംഗലത്തിന് പകരമായി യുഡിഎഫ് മട്ടന്നൂര്‍ സീറ്റും വെച്ചു നീട്ടി.
പ്രതികരിക്കാൻ ഇവിടെ എഴുതുക: