തിരുവനന്തപുരം: ജോസ് കെ. മാണിയുടെ നോട്ടടി യന്ത്രം പിണറായി വിജയന്റെ അന്ത്യം കുറിക്കുമെന്ന് കേരളാ കോണ്ഗ്രസ് നേതാവ് ജില്സ് പെരിയപുറം.
പിറവത്ത് സ്ഥാനാര്ത്ഥിയാക്കാത്തതില് പ്രതിഷേധിച്ച് ജില്സ് പെരിയപുറം കേരളാ കോണ്ഗ്രസ് എമ്മില് നിന്നും രാജിവെച്ചു. പിറവത്ത് പാര്ട്ടിയുമായി ബന്ധമില്ലാത്ത ഒരു സ്ഥാനാര്ത്ഥിക്കാണ് സീറ്റ് നല്കിയതെന്നും പിറവം നഗരസഭാ കൗണ്സിലര് കൂടിയായ് ജില്സ് പെരിയപുറം ആരോപിച്ചു. പിറവത്ത് ഉഴവൂരിലെ സിപിഎം നേതാവ് കൂടിയായ സിന്ധുമോള് ജേക്കബ്ബിനെയാണ് സ്ഥാനാര്ത്ഥിയാക്കിയത്.
പണവും ജാതിയും നോക്കിയാണ് ജോസ് കെ മാണി പിണറായിയുടെ കയ്യില് നിന്നും വാങ്ങിയ 13 സീറ്റുകളും വിഭജിച്ചു നല്കിയത്. തന്റെ കയ്യില് കാശില്ലാത്തതിനാലും താന് കത്തോലിക്കനായതിനാലുമാണ് തന്നെ ഒഴിവാക്കിയതെന്നും ജില്സ് പെരിയപുറം ആരോപിച്ചു.
