ന്യൂദല്ഹി : അയോധ്യ രാമക്ഷേത്ര നിര്മാണ നിധിയിലേക്ക് കേരളത്തില് നിന്ന് മാത്രം സംഭാവനയായി ലഭിച്ചത് 13 കോടി രൂപ. ശ്രീരാമ ജന്മഭൂമി തീര്ത്ഥ ക്ഷേത്ര ട്രസ്റ്റ് ജനറല് സമ്പത്ത് റായിയാണ് ഇതുസംബന്ധിച്ച കണക്കുകള് പുറത്തുവിട്ടത്. ക്ഷേത്ര നിര്മാണത്തിനായി രാജ്യത്തു നിന്നും ആകെ 2500 കോടി രൂപ ലഭിച്ചതായും വെളിപ്പെടുത്തി.
മാര്ച്ച് നാല് വരെ ലഭിച്ച കണക്കുകളാണ് ശ്രീരാമ ജന്മഭൂമി തീര്ഥ ക്ഷേത്ര ട്രസ്റ്റ് ഇപ്പോള് പുറത്ത് വിട്ടിരിക്കുന്നത്. ഇതുപ്രകാരം തമിഴ്നാട്ടില് നിന്ന് 85 കോടി രൂപയാണ് ക്ഷേത്ര നിര്മാണത്തിനായി ലഭിച്ചിട്ടുണ്ട്.
ജനുവരി 15 മുതല് ഫെബ്രുവരി 27 വരെയായിരുന്നു ക്ഷേത്ര നിര്മാണത്തിന് വീടുകള് കയറിയും സ്ഥാപനങ്ങള് കയറിയുമുള്ള സംഭാവന സ്വീകരിക്കല്. പ്രധാന ക്ഷേത്രത്തിന്റെ നിര്മാണത്തിന് മാത്രം 400 കോടി ചെലവ് വരുമെന്നായിരുന്നു പ്രതീക്ഷിച്ചതെങ്കിലും തുക ഇനിയും ഉയര്ന്നേക്കുമെന്നാണ് വിലയിരുത്തല്.
ക്ഷേത്രത്തിന് പുറമെ 67 ഏക്കര് വിസ്തൃതിയിലുള്ള ക്ഷേത്ര സമുച്ചയം വികസപ്പിക്കുന്നതിന് 1100 കോടി രൂപയാണ് ചെലവ് പ്രതീക്ഷിക്കുന്നുണ്ട്. മൂന്ന് വര്ഷം കൊണ്ട് ക്ഷേത്ര നിര്മാണം പൂര്ത്തിയാക്കുമെന്ന് ശ്രീരാമ ജന്മഭൂമി തീര്ഥ ക്ഷേത്ര ട്രസ്റ്റ് അറിയിച്ചു.
