കോട്ടയം: ബിജെപി സംസ്ഥാന പ്രസിഡന്റ് കെ. സുരേന്ദ്രന്‍ നയിക്കുന്ന വിജയയാത്രയെ വരവേല്‍ക്കാന്‍ കോട്ടയം ഒരുങ്ങുന്നു . വിജയയാത്രയുടെ മുന്നോടിയായി ജില്ലയില്‍ പതാകദിനം ആചരിച്ചു. ജില്ലയിലെ 1600 ഓളം കേന്ദ്രങ്ങളില്‍ പതാക ഉയര്‍ത്തി.
യാത്രയുടെ ജില്ലയിലെ സമാപന സമ്മേളന നഗരിയായ തിരുനക്കര മൈതാനത്ത് (വൈക്കം ഗോപകുമാര്‍ നഗര്‍) പതാകദിനത്തിന്റെ ജില്ലാതല ഉദ്ഘാടനം ബിജെപി ജില്ലാ പ്രസിഡന്റ് അഡ്വ. നോബിള്‍ മാത്യു നിര്‍വഹിച്ചു.
ബിജെപി ജില്ലാ വൈസ് പ്രസിഡന്റ് കെ. പി. ഭുവനേഷ്, യുവമോര്‍ച്ച സംസ്ഥാന വൈസ് പ്രസിഡന്റ് അഖില്‍ രവീന്ദ്രന്‍, ബിജെപി മണ്ഡലം പ്രസിഡന്റ് ടി.ആര്‍. അനില്‍കുമാര്‍, ഒബിസി മോര്‍ച്ച ജില്ലാ പ്രസിഡന്റ് രവീന്ദ്രന്‍ വാകത്താനം, യുവമോര്‍ച്ച ജില്ലാ പ്രസിഡന്റ് സോബിന്‍ ലാല്‍, ജില്ലാ കമ്മറ്റി അംഗം വരപ്രസാദ്, രാജേഷ് തുടങ്ങിയവര്‍ പങ്കെടുത്തു.
വിവിധ കേന്ദ്രങ്ങളില്‍ നേതാക്കളായ ലിജിന്‍ ലാല്‍, എം.വി. ഉണ്ണികൃഷ്ണന്‍, പി.ജി. ബിജുകുമാര്‍, വി.എന്‍. മനോജ്, എന്‍. ഹരി, ജയശ്രീ പ്രസന്നകുമാര്‍, റീബ വര്‍ക്കി, കൃഷ്ണകുമാര്‍ നീറിക്കാട്, വി.സി. അജി, പി.ഡി. രവീന്ദ്രന്‍, കെ.ജി. കണ്ണന്‍ എന്നിവര്‍ പതാക ഉയര്‍ത്തി.
പ്രതികരിക്കാൻ ഇവിടെ എഴുതുക: