കൊച്ചി : കമ്മ്യൂണിസ്റ്റ്- കോണ്‍ഗ്രസ് സമീപനങ്ങളാണ് സംസ്ഥാനത്ത് മത തീവ്രവാദ പ്രവര്‍ത്തനങ്ങള്‍ക്ക് വളമാകുന്നതെന്ന് കേന്ദ്ര വിദേശകാര്യ സഹമന്ത്രി വി. മുരളീധരന്‍. ആലപ്പുഴ ആര്‍എസ്എസ് ശാഖാ ഗട നായക് നന്ദു കൊല്ലപ്പെട്ടതുമായി ബന്ധപ്പെട്ട് ഫേസ്ബുക്ക് പോസ്റ്റിലൂടെയാണ് ഇത്തരത്തില്‍ രൂക്ഷ വിമര്‍ശനം ഉയര്‍ത്തിയത്.
മരിച്ച നന്ദുവിന്റെ കുടുംബത്തിന്റെ ദുഃഖത്തിനൊപ്പം പങ്ക് ചേരുന്നു. മൂന്ന് ആര്‍എസ്എസ് പ്രവര്‍ത്തകര്‍ക്കും ആക്രമണത്തില്‍ പരിക്കേറ്റിട്ടുണ്ട്. ഭീകരവാദ സംഘടനയായ പോപ്പുലര്‍ ഫ്രണ്ട് എസ്ഡിപിഐ പ്രവര്‍ത്തകര്‍ ആണ് ആക്രമണം നടത്തിയത്. ദേശ സ്‌നേഹം വളര്‍ത്തുന്ന ആര്‍എസിഎസിനെയും ദേശവിരുദ്ധ പ്രവര്‍ത്തനം നടത്തുന്ന ഭീകര സംഘടനയായ പോപ്പുലര്‍ ഫ്രണ്ടിനെയും ഒരേ തുലാസില്‍ കാണുന്ന കമ്മ്യൂണിസ്റ്റ്, കോണ്‍ഗ്രസ്സ് സമീപനമാണ് മത തീവ്രവാദികള്‍ക്ക് വളമാകുന്നത്.
സംസ്ഥാനത്ത് മത ഭീകരവാദികളെ പ്രോത്സാഹിപ്പിക്കുകയും അവരെ വോട്ട് ബാങ്കായി കണക്കാക്കുകയും ചെയ്യുന്ന സമീപനം ഉപേക്ഷിച്ച് അത്തരക്കാര്‍ക്ക് എതിരെ കര്‍ശന നിലപാട് എടുക്കാന്‍ ഇനിയെങ്കിലും കമ്മ്യൂണിസ്റ്റ് സര്‍ക്കാര്‍ തയ്യാറാകണം. കേരളത്തില്‍ വര്‍ദ്ധിച്ചു വരുന്ന മത ഭീകരവാദ പ്രവര്‍ത്തനങ്ങളെ കേന്ദ്ര സര്‍ക്കാര്‍ ഗൗരവത്തോടെയാണ് കാണുന്നത്. ഇതിനെതിരെ ആവശ്യമായ നടപടികള്‍ ഉണ്ടാകും. നന്ദുവിന് ആദരാഞ്ജലികള്‍ അര്‍പ്പിക്കുന്നു. കുടുംബത്തിന്റെ ദുഃഖത്തിനൊപ്പം പങ്ക് ചേരുന്നുവെന്നും കേന്ദ്ര മന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: