കൊച്ചി:6,100 കോടി രൂപയുടെ കേന്ദ്രാവിഷ്കൃത വികസന പദ്ധതികളുടെ സമര്പ്പണത്തിനായി പ്രധാനമന്ത്രി നരേന്ദ്രമോദി കൊച്ചിയിലെത്തി. കൊച്ചിയിലെ നാവികസേനയുടെ വിമാനത്താവളത്തിലാണ് അദ്ദേഹം വിമാനം ഇറങ്ങിയത്. സംസ്ഥാന സര്ക്കാരിനെ പ്രതിനിധീകരിച്ച് മന്ത്രി ജി സുധാകരന് പ്രധാനമന്ത്രിയെ സ്വീകരിച്ചു. നിശ്ചയിച്ചതിലും അരമണിക്കൂറോളം വൈകിയാണ് പ്രധാനമന്ത്രി എത്തിയത്.
പൊതുമേഖലാ സ്ഥാപനങ്ങളായ ബിപിസിഎല് കൊച്ചി റിഫൈനറി, കൊച്ചി പോര്ട്ട് ട്രസ്റ്റ്, ഷിപ്യാഡ്, ഫാക്ട് എന്നിവയുടെ വികസന പദ്ധതികളാണ് മോദി രാജ്യത്തിന് സമര്പ്പിക്കുക. ബിപിസിഎല് കൊച്ചി റിഫൈനറിക്ക് സമീപമുള്ള അമ്പലമേട് കുഴിക്കാട് വിഎച്ച്എസ്സി സ്കൂള് ഗ്രൗണ്ടിലാണ് ഉദ്ഘാടന വേദി. ഉദ്ഘാടനടത്തിനുശേഷം ബിജെപി സംസ്ഥാന കോര് ഗ്രൂപ്പ് അംഗങ്ങളുമായി അദ്ദേഹം ചര്ച്ച നടത്തും.
