തൃശൂര്‍: ഭാര്യമാര്‍ക്ക് സ്ഥിരംജോലി വാങ്ങി നല്‍കലാണ് ഇപ്പോള്‍ സിപിഎം യുവനേതാക്കളുടെ പണിയെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. ലക്ഷക്കണക്കിന് യുവാക്കള്‍ ജോലിക്കായി കാത്തിരിക്കുമ്പോഴാണ് ഇത്തരത്തില്‍ യുവനേതാക്കള്‍ ഭാര്യമാരെ വഴിവിട്ട നീക്കത്തിലൂടെ സര്‍ക്കാര്‍ ജോലി തരപ്പെടുത്തി കൊടുക്കുന്നത്.
പിഎസ് സി എന്നത് ഇപ്പോള്‍ പെണ്ണുമ്പിള്ള സര്‍വീസ് കമ്മിഷനായി മാറി. സിപിഎം നേതാക്കള്‍ക്ക് നാണവും മാനവും ഉണ്ടോ എന്നും സുരേന്ദ്രന്‍. എം.ബി.രാജേഷ്, എ.എന്‍.ഷംസീര്‍, കെ.കെ.രാഗേഷ് തുടങ്ങി മിക്ക യുവനേതാക്കളും ഭാര്യമാര്‍ക്ക് ജോലി ഉണ്ടാക്കിക്കൊടുക്കലാണ് പാര്‍ട്ടി പ്രവര്‍ത്തനം എന്നാണ് കരുതിയിരിക്കുന്നത്. ചാനലില്‍ വന്നിരുന്നു ഗീര്‍വാണം അടിക്കുന്ന എം.ബി. രാജേഷാണ് ഇപ്പോള്‍ ഭാര്യയ്‌ക്കായി കള്ളക്കളി നടത്തുന്നത്. മതവും ജാതിയും ഇല്ലെന്ന് വലിയ വായില്‍ പറയുന്നവര്‍ ജോലിയുടെ കാര്യത്തിനായി ജാതി തിരികെ കൊണ്ടുവരുമെന്നും സുരേന്ദ്രന്‍. സിപിഎമ്മിന്റെ ഇത്തരം നീക്കങ്ങള്‍ക്കെതിരേ യുവാക്കളെ അണിനിരത്തി പ്രക്ഷോഭം ആരംഭിക്കുമെന്നും സുരേന്ദ്രന്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: