കൊല്ലം: ശാസ്ത്രീയ സംവിധാനങ്ങള് ഉപയോഗിച്ച് കേസ് അന്വേഷണം വിജയത്തിലെത്തിക്കാന് പോലീസ് സേനയെ സഹായിക്കുന്ന ഫോറന്സിക് സയന്സ് ലബോറട്ടറി ഇനി കൊല്ലത്തും. ചാത്തന്നൂരില് നിര്മ്മാണം പൂര്ത്തിയായ ലബോറട്ടറിയുടെ ഉദ്ഘാടനം ഇന്ന് വൈകിട്ട് 6ന് മുഖ്യമന്ത്രി പിണറായി വിജയന് ഓണ്ലൈനില് നിര്വഹിക്കും. ഉദ്ഘാടനയോഗത്തില് മന്ത്രി ജെ. മേഴ്സികുട്ടിയമ്മ അധ്യക്ഷയാകും. മന്ത്രി കെ. രാജു മുഖ്യപ്രഭാഷണം നടത്തും, എംപി എന്.കെ. പ്രേമചന്ദ്രന്, ഡിജിപി ലോക്നാഥ ബഹ്റ, ടി.ദിജു എന്നിവര് സംസാരിക്കും.
അത്യാധുനിക സൗകര്യങ്ങളോടെ നിര്മ്മാണം പൂര്ത്തിയാക്കിയ കെട്ടിടമാണിത്. കെമിക്കല്, ബാലിസ്റ്റിക്, ഡോക്യൂമെന്റ്, ബയോളജി, സെറോളജി, എക്പ്ലോസീവ്, സൈബര്, ഡിഎന്എ എന്നീ വിഭാഗങ്ങളിലായി നിരവധി ആധുനികസാങ്കേതിക ഉപകരണങ്ങളും സാങ്കേതികവിദഗ്ധരും ലാബിന്റെ പരിധിയില് ഉണ്ടാകും. കേസ് അന്വേഷണങ്ങള്ക്ക് വേഗം കൂട്ടാനുമാകും. നിലവില് ഇതുവരെയായി തിരുവനന്തപുരത്തെ ലാബിനെയായിരുന്നു ജില്ലയിലെ പോലീസ് ആശ്രയിച്ചിരുന്നത്. ഐഎസ്ഒ അംഗീകാരം കിട്ടിയ ലബോറട്ടറിയാണ് തിരുവനന്തപുരത്തേത്. നിരവധി സുപ്രധാന കേസുകളില് നിര്ണ്ണായകമായ തെളിവുകള് കണ്ടെത്തിയിട്ടുള്ള ഫോറന്സിക് സയന്സ് ലബോറട്ടറി 1961ലാണ് തിരുവനന്തപുരത്ത് പ്രവര്ത്തനം തുടങ്ങിയത്. തൃശൂര്, കണ്ണൂര് എന്നിവിടങ്ങളില് മേഖലാ ഫോറന്സിക് സയന്സ് ലബോറട്ടറി നിലവിലുണ്ട്. തൃശൂരിലെ ലബോറട്ടറിയില് നര്കോട്ടിക് വിഭാഗവും പോളിഗ്രാഫ് വിഭാഗവും പ്രവര്ത്തിച്ചുവരുന്നു.
കേസന്വേഷണങ്ങള് താമസിക്കുന്നതിന് പരിഹാരമായാണ് ജില്ലകള് തോറും ലബോറട്ടറികള് സ്ഥാപിക്കുന്നതിലൂടെ സര്ക്കാര് ലക്ഷ്യമിടുന്നത്. കേന്ദ്ര ആഭ്യന്തര മന്ത്രാലയം വര്ഷാവര്ഷം പോലീസ് സേനകളുടെ നവീകരണത്തിനായി അനുവദിക്കുന്ന ഫണ്ട് ഉപയോഗിച്ചാണ് ലബോറട്ടറികളുടെ നിര്മാണപ്രവര്ത്തനങ്ങള്
