ന്യൂദല്ഹി : ജനിതക മാറ്റം സംഭവിച്ച കോവിഡിനെപോലും നേരിടാന് ഇന്ത്യയില് തദ്ദേശീയമായി വികസിപ്പിച്ച കൊവാക്സിന് ഫലപ്രദം. ഇന്ത്യന് കൗണ്സില് ഓഫ് മെഡിക്കല് റിസര്ച്ച്(ഐസിഎംആര്) നടത്തിയ പഠനത്തിലാണ് ഇക്കാര്യം തെളിയിക്കുന്നത്.
ഭാരത് ബയോടെക്കും ഐസിഎംആറും നാഷണല് വൈറോളജി ഇന്സ്റ്റിറ്റ്യൂട്ടും സംയുക്തമായാണ് കൊവാക്സിന് നിര്മ്മിച്ചത്. ഇന്ത്യയില് ജനിതക മാറ്റം വന്ന കൊവിഡ് സ്ഥിരീകരിച്ച രോഗികള്ക്ക് കൊവാക്സിന് നല്കുകയും രോഗമുക്തി ഉറപ്പാക്കുകയും ചെയ്തിരുന്നു. തുടര്ന്ന് നടത്തിയ പഠനത്തിലാണ് കൊവാക്സിന് ജനിതകമാറ്റം വന്ന കൊറോണ വൈറസിനേയും പ്രതിരോധിക്കുന്നതാണെന്ന് കണ്ടെത്തിയതെന്ന് ഐസിഎംആര് ഡയറക്ടര് ഡോ. ബല്റാം ഭാര്ഗവ അറിയിച്ചു.
ഇന്ത്യയില് ഓക്സ്ഫഡ് യൂണിവേഴ്സിറ്റി, ആസ്ട്ര സെനക്ക, പൂനെയിലെ സിറം ഇന്സ്റ്റിറ്റ്യൂട്ട് എന്നിവ സംയുക്തമായി നിര്മിച്ച കോവിഷീല്ഡ്, ഭാരത് ബയോടെക്കിന്റെ കോവാക്സിന് എന്നിവയ്ക്കാണ് ഇന്ത്യയില് വിതരണത്തിന് അനുമതി നല്കിയിട്ടുള്ളത്.
