അമ്പലപ്പുഴ: അമ്പലപ്പുഴ തെക്ക് പഞ്ചായത്തില് വിലകുറഞ്ഞ രാഷ്ട്രീയ കളിയുമായി സിപിഎം. ദേശീയ ജലജീവന് പദ്ധതിയുടെ ഉദ്ഘാടനം നടത്തിയത് ബിജെപിയുടെ ഗ്രാമപഞ്ചായത്തംഗങ്ങളെ ഒഴിവാക്കി. പഞ്ചായത്ത് ഓഫീസിന് മുന്നില് ബിജെപി അംഗങ്ങള് പ്രതിഷേധ സമരം സംഘടിപ്പിച്ചു. നിലവില് മുഖ്യപ്രതിപക്ഷം ബിജെപിയാണ്. 15അംഗ പഞ്ചായത്തില് 6 അംഗങ്ങളാണ് ബിജെപിക്ക് ഉള്ളത്.
എന്നിട്ടും ബിജെപി അംഗങ്ങളെ അറിയിക്കാതെ പഞ്ചായത്ത് സെക്രട്ടറിയും പ്രസിഡന്റും ചേര്ന്ന് ഉദ്ഘാടനം നടത്തുകയായിരുന്നു. സമീപ പഞ്ചായത്തുകളില് എല്ലാംതന്നെ കുടിവെള്ള പദ്ധതി നടപ്പാക്കിയിട്ടും ഇവിടെമാത്രം പദ്ധതിയെ അവഗണിക്കുന്ന നയവുമാണ് സിപിഎം സ്വീകരിച്ചത്. ഇതിനെതിരെ ശക്തമായസമര പരിപാടികള് ബിജെപി അംഗങ്ങള് സംഘടിപ്പിക്കുവാന് തയ്യാറെടുത്തിരിക്കെയാണ് തിരക്കിട്ട് ഉദ്ഘാടനം നടത്തിയത്.
ബിജെപി പാര്ലമെന്ററി പാര്ട്ടി ലീഡര് മനോജ്കുമാര്, അംഗങ്ങളായ രാജ്കുമാര്, ശ്രീലേഖ, ജയലളിത, സുഷമാ രാജീവ്, വീണ.എസ്.നായര് എന്നിവരുടെ നേതൃത്വത്തിലാണ് സമര പരിപാടികള് സംഘടിപ്പിക്കുന്നത്.
