കാഞ്ഞങ്ങാട്: ചുരുങ്ങിയ ചെലവില് പ്രകൃതിവാതകം ലഭ്യമാകുന്ന ഗെയ്ല് പദ്ധതിയെ എതിര്ത്ത സിപിഎം ഇന്ന് ഇടത് സര്ക്കാര് പദ്ധതിയാക്കി നേട്ടം തട്ടിയെടുക്കുന്നതായും ബിജെപി ജില്ലാ ജനറല് സെക്രട്ടറി എ.വേലായുധന് ആരോപിച്ചു. കാഞ്ഞങ്ങാട് നിയോജക മണ്ഡലം മണ്ഡലം കമ്മറ്റി യോഗം ഉദ്ഘാടനം ചെയ്യുകയായിരുന്നു അദ്ദേഹം.
അഴിമതിയുടേയും സ്വജന പക്ഷപാതത്തിന്റേയും കാര്യത്തില് ഒരേ തൂവല് പക്ഷികളായ എല്ഡിഎഫിനേയും യുഡിഎഫിനേയും കേരള ജനത തിരിച്ചറിയും. അഴിമതിയുടെ കാര്യത്തില് ഇരുമുന്നണികളും പരസ്പരം മത്സരിച്ച് കൊണ്ടിരിക്കുകയാണ്. ഇക്കഴിഞ്ഞ ത്രിതല പഞ്ചായത്തില് ബിജെപിയെ തോല്പ്പിക്കാനായി ഇരുമുന്നണികളും ഒളിഞ്ഞും തെളിഞ്ഞും പരസ്പരം സഹായിക്കുകയായിരുന്നു.
കേന്ദ്ര സര്ക്കാരിന്റെ ജനപ്രിയ പദ്ധതികളായ പിഎംഎവൈയും ആയുഷ്മാന് ഭാരത് പദ്ധതിയും ജല് ശക്തി മിഷന് കുടിവെള്ള പദ്ധതിയും അട്ടിമറിച്ചു കൊണ്ട് കേരള സര്ക്കാര് നടത്തുന്ന പരിഹാസ്യമായ നടപടികള് കേരള ജനത തിരിച്ചറിഞ്ഞിരിക്കുന്നതായും എ.വേലായുധന് പറഞ്ഞു. യോഗത്തില് മണ്ഡലം പ്രസിഡന്റ് എന്.മധു അധ്യക്ഷത വഹിച്ചു. ജില്ലാ വൈസ് പ്രസിഡന്റ് എം.ബല്രാജ്, മണ്ഡലം ജനറല് സെക്രട്ടറി എം.പ്രശാന്ത്, കെ.കെ.വേണുഗോപാല് എന്നിവര് സംസാരിച്ചു.
