ഹൈദരാബാദ്: 400 വര്‍ഷം പഴക്കമുള്ള ആന്ധ്രയിലെ വിജയനഗരത്തിലുള്ള ശ്രീരാമന്റെ രാമതീര്‍ത്ഥം ക്ഷേത്രം നശിപ്പിച്ചതിനെതിരെ ആന്ധ്രമുഖ്യമന്ത്രി ജഗന്‍മോഹന്‍ റെഡ്ഡിക്കെതിരെ ആഞ്ഞടിച്ച് തെലുഗുദേശം നേതാവ് ചന്ദ്രബാബു നായിഡു.
ബുധനാഴ്ച ടിഡിപി നേതാവ് ചന്ദ്രബാബു നായിഡുവിന്റെ നേതൃത്വത്തില്‍ ഒരു സംഘം രാമതീര്‍ത്ഥക്ഷേത്രം സന്ദര്‍ശിച്ചു. ഡിസംബര്‍ 29നാണ് ഈ ക്ഷേത്രത്തിനെതിരെ ആക്രമണം നടന്നത്.19 മാസത്തിനകം 120 ലധികം അമ്പലങ്ങള്‍ തകര്‍ന്നു. മുന്‍കൂട്ടി നിശ്ചയിച്ച തീതിയിലാണ് ആക്രമണങ്ങള്‍. ചന്ദ്രബാബുനായിഡു പറഞ്ഞു.
രാമതീര്‍ത്ഥം കുന്നിന് മുകളിലെ കോദണ്ഡ രാമന്റെ വിഗ്രഹം തകര്‍ത്ത് സമീപത്തെ ടാങ്കില്‍ ഇടുകയായിരുന്നു.
ക്ഷേത്രങ്ങള്‍ക്കെതിരായ അക്രമണങ്ങളെ നിശബ്ധ കാഴ്ചക്കാരനായി മുഖ്യമന്ത്രി നിരീക്ഷിക്കുന്നതിന്റെ കാരണം ദുരൂഹമാണ്. ക്രിസ്ത്യന്‍ മുഖ്യമന്ത്രിയായ ജഗന്‍മോഹന്‍ റെഡ്ഡി മുഖ്യമന്ത്രി സ്ഥാനം ഒഴിയണമെന്നും ചന്ദ്രബാബു നായിഡു ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: