ന്യൂദല്‍ഹി: രാജ്യത്തെ വിവിധ സംസ്ഥാന ഭരണകൂടങ്ങളുടെ പങ്കാളിത്തത്തോടെ 2019 ഓഗസ്റ്റ് മുതലാണ് ജലജീവന്‍ ദൗത്യം നടപ്പാക്കുന്നത്. ദീര്‍ഘകാല അടിസ്ഥാനത്തില്‍, ആവശ്യമായ അളവിലും ഗുണമേന്മയിലും തുടര്‍ച്ചയായി ശുദ്ധജലം ലഭ്യമാക്കുക എന്ന ലക്ഷ്യത്തോടെയാണ് ഇത് നടപ്പാക്കുന്നത്.
വിവിധ സംസ്ഥാനങ്ങളുടെ നിതാന്ത പരിശ്രമങ്ങളുടെ ഫലമായി 2019 ഓഗസ്റ്റ് മുതല്‍ മൂന്നുകോടി പൈപ്പ് കണക്ഷനുകള്‍ ലഭ്യമാക്കാനായി. ഒപ്പം രാജ്യത്തെ 26 ജില്ലകള്‍, 457 ബ്ലോക്കുകള്‍, 34,919 പഞ്ചായത്തുകള്‍, 65,627 ഗ്രാമങ്ങള്‍ എന്നിവിടങ്ങളില്‍ വീട്ടിനുള്ളില്‍ ശുദ്ധജലം ലഭിക്കുന്നുണ്ട് എന്നതും ഉറപ്പാക്കാനായി. എല്ലാ വീടുകളിലും പൈപ്പ് കണക്ഷനിലൂടെ ശുദ്ധജലം എത്തിച്ച ആദ്യ സംസ്ഥാനമായി ഗോവ മാറി.
രാജ്യത്തെ എല്ലാ വിദ്യാലയങ്ങള്‍, അംഗനവാടി കേന്ദ്രങ്ങള്‍, ഗിരിവര്‍ഗ്ഗ വിഭാഗത്തിലെ കുട്ടികള്‍ക്കായുള്ള റസിഡന്‍ഷ്യല്‍ സ്‌കൂളുകള്‍ എന്നിവിടങ്ങളില്‍ പൈപ്പ് കണക്ഷനുകളിലൂടെ ശുദ്ധജലം ഉറപ്പാക്കുന്നതിനായി 2020 ഒക്ടോബര്‍ രണ്ടിന് ഒരു നൂറ് ദിന പ്രചരണത്തിനും തുടക്കമായിരുന്നു.
മൂന്നു മാസം കൊണ്ട് 4.4 ലക്ഷത്തിലേറെ ഗ്രാമീണ വിദ്യാലയങ്ങളിലും, 3.73 ലക്ഷത്തോളം അംഗനവാടി കേന്ദ്രങ്ങളിലും പൈപ്പ് കണക്ഷനിലൂടെ ശുദ്ധജലം നല്‍കാനായി. സംസ്ഥാനത്തെ എല്ലാ വിദ്യാലയങ്ങളിലും പൈപ്പ് കണക്ഷന്‍ വഴി ശുദ്ധജലം ലഭ്യമാക്കുന്ന ആദ്യ സംസ്ഥാനങ്ങളായി തമിഴ്‌നാടും പഞ്ചാബും മാറി. മാത്രമല്ല തമിഴ്‌നാട്ടിലെ എല്ലാ അംഗനവാടി കേന്ദ്രങ്ങളിലും പൈപ്പ് കണക്ഷണിലോടെ ശുദ്ധജലം ലഭ്യമാക്കി കഴിഞ്ഞിട്ടുമുണ്ട്.
