തിരുവനന്തപുരം: നടന്‍ അനില്‍ പി നെടുമങ്ങാടിന്റെ നിര്യാണത്തില്‍ അനുശോചിച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ചെറിയ കാലയളവിലാണെങ്കിലും മലയാള സിനിമയില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ച നടനാണ് അനില്‍ നെടുമങ്ങാട്. അയ്യപ്പനും കോശിയും സിനിമയിലെ സിഐ സതീഷ് കുമാര്‍ എന്ന കഥാപാത്രവും അതിലെ ഡയലോഗും മലയാളിക്ക് ഒരിക്കലും മറക്കാനാവാത്തതാണ്. അനിലിന്റെ കുടുംബത്തിന്റെയും സുഹൃത്തുക്കളുടേയും ദുഖത്തില്‍ പങ്കുചേരുന്നതായും സുരേന്ദ്രന്‍ വാര്‍ത്താക്കുറിപ്പില്‍ പറഞ്ഞു.
വാര്‍ത്താക്കുറിപ്പിന്റെ പൂര്‍ണരൂപം
ചെറിയ കാലയളവിലാണെങ്കിലും മലയാള സിനിമയില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ച നടനാണ് അനില്‍ നെടുമങ്ങാടെന്ന് ബി.ജെ.പി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ അനുശോചിച്ചു. അനിലിന്റെ അപ്രതീക്ഷിത മരണം ഞെട്ടിക്കുന്നതാണ്. ടെലിവിഷന്‍ സീരിയല്‍ രംഗത്ത് മികച്ച പ്രകടനം നടത്തിയ അനില്‍ ഞാന്‍ സ്റ്റീവ് ലോപ്പസ്, കമ്മട്ടിപ്പാടം എന്നീ ചിത്രങ്ങളിലൂടെ പ്രേക്ഷക ശ്രദ്ധ പിടിച്ചുപറ്റി. അയ്യപ്പനും കോശിയും എന്ന സച്ചിയുടെ സൂപ്പര്‍ ഹിറ്റ് ചിത്രത്തില്‍ സിഐ സതീഷ് കുമാര്‍ എന്ന കഥാപാത്രവും അതിലെ ഡയലോഗും മലയാളിക്ക് ഒരിക്കലും മറക്കാനാവാത്തതാണ്. അനിലിന്റെ കുടുംബത്തിന്റെയും സുഹൃത്തുക്കളുടേയും ദുഖത്തില്‍ പങ്കുചേരുന്നു.
പ്രതികരിക്കാൻ ഇവിടെ എഴുതുക: