കോഴിക്കോട്: മുക്കം നഗരസഭയിലെ ആറു വാര്ഡുകളില് യുഡിഎഫ് വെല്ഫെയര് പാര്ട്ടി സംയുക്ത റാലി. കൊട്ടിക്കലാശത്തോട് അനുബന്ധിച്ചാണ് റാലി നടന്നത്. മുക്കം നഗരസഭയിലെ 18 മുതല് 23 വരെയുള്ള വാര്ഡുകളിലാണ് യുഡിഎഫും വെല്ഫെയര് പാര്ട്ടിയും സംയുക്തമായി കൊട്ടിക്കലാശത്തിന്റെ ഭാഗമായി ബൈക്ക് റാലി നടത്തിയത്. യുഡിഎഫിന്റെയും വെല്ഫയര് പാര്ട്ടിയുടെയും നിരവധി പ്രവര്ത്തകര് റാലിയില് ഒന്നിച്ചു പതാകകളുയര്ത്തി.
തദ്ദേശ തെരഞ്ഞെടുപ്പില് വെല്ഫെയര് പാര്ട്ടിയുമായി നീക്കുപോക്കില്ലെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന് അടക്കം ആവര്ത്തിക്കുന്നതിനിടെയാണ് റാലി നടന്നത്. മുക്കം നഗരസഭക അടക്കമുള്ള ഇടങ്ങളില് യുഡിഎഫും വെല്ഫയര് പാര്ട്ടിയും ഒരുമിച്ചാണ് തെരഞ്ഞെടുപ്പു പ്രവര്ത്തനങ്ങള് നടത്തുന്നതെന്ന് നേരത്തേ വാര്ത്തകളുണ്ടായിരുന്നു.
ഇരുകൂട്ടര്ക്കുമായി ഒരു തെരഞ്ഞെടുപ്പ് ഓഫിസ് മാത്രമേയുള്ളൂവെന്നും റിപ്പോര്ട്ടുണ്ടായിരുന്നു. കോവിഡ് പ്രോട്ടോക്കോള് നിലനില്ക്കുന്ന സാഹചര്യത്തില് പാടില്ലെന്ന് ജില്ലാ ഭരണകൂടത്തിന്റെ നിര്ദേശം നിലനില്ക്കുമ്പോഴാണ് മുക്കം നഗരസഭയിലെ ആറു വാര്ഡുകളില് ഇത്തരത്തില് റാലി സംഘടിപ്പിച്ചത്.
ജമാ അത്തെ ഇസ്ലാമിക്ക് ഏറ്റവും സ്വാധീനമുള്ള മുക്കം നഗരസഭയിലെ ചേന്നമംഗലൂര് ഉള്പ്പെടുന്ന വാര്ഡുകളിലാണ് ഇന്ന് റാലി നടന്നത്. തദ്ദേശ തെരഞ്ഞെടുപ്പില് വെല്ഫെയര് പാര്ട്ടിയുമായി യുഡിഎഫിന് യാതൊരു ധാരണയുമില്ലെന്ന് മുല്ലപ്പള്ളി രാമചന്ദ്രന് കഴിഞ്ഞദിവസവും ആവര്ത്തിച്ചിരുന്നു. എന്നാല് ധാരണയുണ്ടെന്ന് വ്യക്തമാക്കി മുന്നണി കണ്വീനര് എം എം ഹസന് രംഗത്തെത്തിയത് വിഷയത്തില് നേതാക്കള്ക്കിടയിലുള്ള ഭിന്നത വ്യക്തമാക്കിയിരുന്നു.
