തിരുവനന്തപുരം: കേരള പൊലീസ് ആക്ടില് 118 എ കൂട്ടിച്ചേര്ക്കാനുള്ള പിണറായി വിജയന് സര്ക്കാരിന്റെ ഫാസിസ്റ്റ് സമീപനത്തിനെതിരെ ബി.ജെപിയും ജനാധിപത്യവിശ്വാസികളും നടത്തിയ പോരാട്ടം വിജയിച്ചിരിക്കുന്നെന്ന് ബിജെപി. ഇടതുസര്ക്കാരിന്റെ ജനാധിപത്യവിരുദ്ധ നിയമത്തിനെതിരെ രാഷ്ട്രീയമായും നിയമപരമായും പോരാടാന് ബിജെപിക്ക് സാധിച്ചു. സംസ്ഥാന സര്ക്കാരിന്റെ ഓര്ഡിനന്സ് ഭരണഘടനാവിരുദ്ധമാണെന്ന് ചൂണ്ടിക്കാണിച്ചു കൊണ്ട് ഈ മാസം 11 ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് ഗവര്ണര്ക്ക് നിവേദനം നല്കിയിരുന്നു. അതിന് ശേഷം 118 എ നിര്ത്തലാക്കണമെന്ന് ആവശ്യപ്പെട്ട് സംസ്ഥാന അദ്ധ്യക്ഷന് ഹൈക്കോടതിയെ സമീപിക്കുകയും ചെയ്തു. ശക്തമായ എതിര്പ്പ് ഉയര്ന്നതിനെ തുടര്ന്ന് പിണറായിക്ക് മുട്ടുമടക്കേണ്ടി വന്നു. ഇതില് പുതിയ നിയമം നടപ്പാക്കില്ല, നിയമസഭയില് ചര്ച്ച ചെയ്തു തീരുമാനിക്കും എന്നാണ് മുഖ്യമന്ത്രി പറഞ്ഞിരിക്കുന്നത്. ഇത് ഇടതുസര്ക്കാരിന്റെ ഏകാധിപത്യത്തിനേറ്റ തിരിച്ചടിയും ജനാധിപത്യത്തിന്റെ വിജയവുമാണ്. ഓര്ഡിനന്സ് പിന്വലിക്കും വരെ ബിജെപി പോരാട്ടം തുടരുമെന്ന് ഫേസ്ബുക്ക് പോസ്റ്റില് വ്യക്തമാക്കി.
പിണറായി വിജയന് സര്ക്കാരിന്റെ ഫാസിസ്റ്റ് സമീപനത്തിനെതിരായ പോരാട്ടം വിജയിച്ചെന്ന് ബിജെപി
സംസ്ഥാന സര്ക്കാരിന്റെ ഓര്ഡിനന്സ് ഭരണഘടനാവിരുദ്ധമാണെന്ന് ചൂണ്ടിക്കാണിച്ചു കൊണ്ട് ഈ മാസം 11 ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് ഗവര്ണര്ക്ക് നിവേദനം നല്കിയിരുന്നു.
ബിജെപി കോഴിക്കോട് നോര്ത്ത് നിയോജക മണ്ഡലം തെരഞ്ഞെടുപ്പ് കമ്മറ്റി കാര്യാലയം സംസ്ഥാന ജനറല് സെക്രട്ടറി എം.ടി. രമേശ് ഉദ്ഘാടനം ചെയ്യുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.