ബെംഗളൂരു: ബെംഗളൂരു മയക്കുമരുന്ന് കേസിലെ കള്ളപ്പണ ഇടപാടുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് (ഇഡി) അറസ്റ്റിനെതിരെ ബിനീഷ് കോടിയേരി നല്കിയ ജാമ്യ ഹര്ജി തുടര് വാദം കേള്ക്കുന്നതിനായി ബെംഗളൂരു സിറ്റി സിവില് ആന്ഡ് സെഷന്സ് കോടതി മാറ്റിവച്ചു.
ബിനീഷിനെതിരെ കൂടുതല് തെളിവുകള് ഉണ്ടെന്നും ഹാജരാക്കാന് സമയം ആവശ്യമാണെന്നും ഇഡി അറിയിച്ചതിനെ തുടര്ന്നാണ് ഹര്ജി മാറ്റിവച്ചത്. നവംബര് 24ന് വിശദമായ വാദം കേള്ക്കും. നവംബര് 25നാണ് ബിനീഷിന്റെ ജുഡീഷ്യല് കസ്റ്റഡി കാലാവധി അവസാനിക്കുക.
ഇതിനിടെ മയക്കുമരുന്ന് കേസില് എന്സിബിയുടെ കസ്റ്റഡിയില് കഴിയുന്ന ബിനീഷ് അറസ്റ്റ് ഒഴിവാക്കാന് കര്ണാടക ഹൈക്കോടതിയില് മുന്കൂര് ജാമ്യം തേടി. ഹര്ജി വ്യാഴാഴ്ച പരിഗണിക്കും.
