തിരുവനന്തപുരം : സിപിഎം സംസ്ഥാന സെക്രട്ടറി പദവി കോടിയേരി ബാലകൃഷ്ണന് ഒഴിഞ്ഞു. തുടര് ചികിത്സയ്ക്ക് അവധി വേണമെന്ന ആവശ്യപ്പെട്ടാണ് കോടിയേരി പദവിയില് നിന്നും ഒഴിഞ്ഞത്.
സിപിഎം ദേശീയ സെക്രട്ടറിയേറ്റ് ഈ ആവശ്യം അംഗീകരിക്കുകയായിരുന്നു. എ. വിജയരാഘവനാണ് താത്കാലിക ചുമതല. പത്ര പ്രസ്താവനയിലൂടെയാണ് ഇക്കാര്യം അറിയിച്ചത്. എന്നാല് എത്ര കാലത്തേയ്ക്കാണ് അവധിയെന്ന് ഇതുവരെ വ്യക്തമാക്കിയിട്ടില്ല.
ബെംഗളൂരു മയക്കുമരുന്നു കേസുമായി ബന്ധപ്പെട്ട് ബിനീഷ് പിടിയിലായതിന് പിന്നാലെ കോടിയേരി രാജി വെയ്ക്കണമെന്ന് നേരത്തെ ആവശ്യം ഉയര്ന്നിരുന്നു. തദ്ദേശ തെരഞ്ഞെടുപ്പ് പ്രഖ്യാപിച്ച വേളയില് പാര്ട്ടി സെക്രട്ടറി പദവിയില് ഇരുന്ന് ഇത്തവണ തെരെഞ്ഞെടുപ്പിനെ നേരിട്ടാല് കനത്ത തിരിച്ചടി ലഭിച്ചേക്കുമെന്ന ഭയത്താലാണ് ഈ നടപടി.
