കോഴിക്കോട്: പിണറായി സര്‍ക്കാര്‍ പുറപ്പെടുവിച്ച മത്സ്യമേഖലയെ തകര്‍ക്കുന്ന ഓര്‍ഡിനന്‍സ് പിന്‍വലിക്കണമെന്നാവശ്യപ്പെട്ട് ഉത്തരവിന്റെ കോപ്പി കത്തിച്ച് ബിഎംഎസ് പ്രതിഷേധം. ജില്ലാ മത്സ്യതൊഴിലാളി സംഘത്തിന്റെ നേതൃത്വത്തില്‍ ജില്ലയുടെ വിവിധ ഹാര്‍ബറുകളില്‍ പ്രതിഷേധം സംഘടിപ്പിച്ചു.
കോവിഡ് പശ്ചാത്തലത്തില്‍ കൂടുതല്‍ പ്രതിസന്ധിയിലേക്ക് തള്ളിവിടുന്ന ഓര്‍ഡിനന്‍സ് എത്രയും പെട്ടന്ന് പിന്‍വലിക്കണമെന്ന് വെള്ളയില്‍ ഹാര്‍ബറില്‍ നടന്ന പ്രതിഷേധം ഉദ്ഘാടനം ചെയ്ത ബിഎംഎസ്ആര്‍എ അഖിലേന്ത്യ ഓര്‍നൈസിങ് സെക്രട്ടറി സി.പി. ഗോപികൃഷ്ണന്‍ ആവശ്യപ്പെട്ടു. നിഖില്‍, പിചൂഷ്, ഷാജി എന്നിവര്‍ നേതൃത്വം നല്‍കി.
പുതിയാപ്പ ഹാര്‍ബറില്‍ മത്സ്യതൊഴിലാളി സംഘം ജില്ലാ ജനറല്‍ സെക്രട്ടറി കെ.വി. സെല്‍വരാജും ബേപ്പൂര്‍ ഹാര്‍ബറില്‍ ചുമട് മസ്ദൂര്‍ സംഘം ജില്ലാ ട്രഷറര്‍ രാജഗോപാലും പ്രതിഷേധം ഉദ്ഘാടനം ചെയ്തു.
