തിരുവനന്തപുരം: കഴിഞ്ഞ ദിവസമാണ് കോണ്‍ഗ്രസ് നേതാവ് ജ്യോതി കുമാര്‍ ചാമക്കാല ആഢംബരകാറുകളുടെ നമ്പരുകള്‍ സഹിതം ചില ആരോപണങ്ങളുമായി ഒരു ഫേസ്ബുക്ക് പോസ്റ്റ് ഇട്ടത്. രണ്ടു റേഞ്ച് റോവറുകള്‍ ഒരു മെഴ്‌സിഡസ് ബെന്‍സ്, ഒരു ഫോര്‍ച്യൂണര്‍ എന്നീ കാറുകളായിരുന്ന അത്. ഈ കാറുകളുടെ രജിസ്‌ട്രേഷന്‍ വിവരങ്ങള്‍ അന്വേഷിച്ചപ്പോള്‍ ലഭിച്ച ഉടമയുടെ പേര് ഒന്ന്, അല്‍ ജാസം.
അല്‍ ജാസം അബ്ദുള്‍ ജബ്ബാര്‍ എന്ന യുവാവ് നെടുമങ്ങാട് സ്വദേശിയും ബിനീഷ് കോടിയേരിയുടെ അടുത്ത സുഹൃത്തുമാണ്. ഗള്‍ഫ് രാജ്യങ്ങള്‍ കേന്ദ്രീകരിച്ച് മാന്‍പവര്‍ കണ്‍സള്‍റ്റന്‍സി ആണ് ബിസിനസ്. പ്രാദേശിക ക്രിക്കറ്റില്‍ ലീഗില്‍ സജീവമാണ് അല്‍ ജാസം. വന്‍തോതില്‍ ക്രിക്കറ്റിനു വേണ്ടി പണമിറക്കുന്ന ജാസം മറ്റു സംസ്ഥാനങ്ങളില്‍ നിന്ന് പ്രശസ്തരായ കളിക്കാരെ പ്രാദേശിക ക്രിക്കറ്റ് ലീഗില്‍ പോലും കളിപ്പിക്കാന്‍ എത്തിക്കാറുണ്ട്. ഇയാള്‍ ഇപ്പോള്‍ ബംഗളൂരു മയക്കുമരുന്ന് കേസില്‍ അറസ്റ്റിലായ അനൂപ് മുഹമ്മദിന്റെയും സുഹൃത്താണെന്നാണ് റിപ്പോര്‍ട്ട്. ഇയാളുടെ കാര്‍ വിവരങ്ങള്‍ സംബന്ധിച്ച വിവരങ്ങള്‍ പുറത്തുവന്നതോടെ സജീവമായ ഫേസ്ബുക്ക് അക്കൗണ്ട് ഡിലീറ്റ് ചെയ്ത നിലയിലാണ്. അനൂപ് മുഹമ്മദിന് അടക്കം വന്‍തോതില്‍ ബിനീഷ് നല്‍കുന്ന പണത്തിന്റെ സ്രോതസും ഒട്ടനവധി ബിനാമികളെ പറ്റിയും വിവരങ്ങള്‍ പുറത്തുവരുന്നതിനിടെയാണ് അല്‍ ജാസം എന്ന വ്യക്തിയും രംഗപ്രവേശം ചെയ്യുന്നത്.
പ്രതികരിക്കാൻ ഇവിടെ എഴുതുക: