തിരുവനന്തപുരം : മയക്കുമരുന്ന് കേസില്‍ ബിനീഷ് കോടിയേരിയെ അറസ്റ്റ് ചെയ്തതില്‍ സിപിഎം സംസ്ഥാന സെക്രട്ടറി സ്ഥാനം ഒഴിയേണ്ടെന്ന് കേന്ദ്രകമ്മിറ്റി. ബിനീഷ്‌ക്കെതിരെയുള്ള കേസ് വ്യക്തിപരമാണ്. ഇതില്‍ കോടിയേരി രാജിവേയ്‌ക്കേണ്ട ആവശ്യമില്ലന്നും സിപിഎം ഉന്നതതല സമിതി അറിയിച്ചു.
കേസിന് പാര്‍ട്ടിയുമായി യാതൊരു ബന്ധവുമില്ല. മകന്‍ അറസ്റ്റിലായെന്ന പേരില്‍ സിപിഎം സംസ്ഥാന സെക്രട്ടറി സ്ഥാനം ഒഴിവാകേണ്ട ആവശ്യമില്ലെന്നും കേന്ദ്ര കമ്മിറ്റി യോഗത്തില്‍ അറിയിച്ചു.
അതേസമയം മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിനെ എന്‍ഫോഴ്‌സ്‌മെന്റ് അറസ്റ്റ് ചെയ്തതില്‍ പ്രതികരിക്കാന്‍ സിപിഎം ഉന്നതതല സമിതി ഇതുവരെ തയ്യാറായിട്ടില്ല. ബിനീഷ് കോടിയേരിയുടേയും അറസ്റ്റുകളില്‍ സിപിഎം പരസ്യമായി പ്രതികരണത്തിന് ഇതുവരെ മുതിര്‍ന്നിട്ടില്ല.
പ്രതികരിക്കാൻ ഇവിടെ എഴുതുക: